ل دێرەبوونێ 533كەسان باوەرنامە وەرگرتن
تۆرا لالش يا راگههاندنێ 
سەنتەرێ هیۆمانتی یێ كۆمەلایەتی ل دێرەبوونێ ب پشتەڤانیا رێكخراوا مشن ئیست ل سەر ڤەكرنا خۆلێن جۆراو جۆر دحەموو بیاڤان دا بۆ ئاوارەیێن شنگالێ و خەلكێ دەڤەرێ بەردەوامە،كو هەتا نۆكە 533كەسان باوەرنامە وەرگرتینە.
رێكخەرا پرۆژەی ل هیۆمانتی خانم (بناز دارتاش ) بۆ دەنگێ لالش خویاكر،سەنتەرێ مە ل دێرەبوونێ ب پشتەڤانیا رێكخراوا مشن ئیست خۆلێن فێركرنا كۆمپیۆتەر و جوانكاریا ئافرەتان وهەردو زمانێن ئینگلیزی و ئەرەبی بۆ ژمارەكا ئاوارەیێن شنگالێ و خەلكێ دەڤەرێ ڤەكرینە و برێڤەدبن،بەشداربوویێن خۆلان ژی ژ هەردو رەگەزانن و دژیێ 12 هەتا 18 سالی و پێهەلن و هەتا نۆكە533 كەسان بەشداری ڤان جۆرە خۆلێن فێركرنێ بووینە ودەرچووینە و دگەل وەرگرتنا باوەرنامەیان و ئەڤ ژمارا بەشداربوویێن باوەرنامە وەرگرتین گەرا چارێ و پێنجێ نە،ل داویا بەلاڤكرنا باوەرنامەیان پێشانگەهەكا وێنەیێن نیگاركێشیێ ژی هاتە ڤەكرن كو كارێن بەشداربوویێن خۆلا بوون ژمارەكا وێنەیێن جۆرا وجۆر تێدا هاتنە نمایشكرن و دەربرین ژ ئێش وئازارێن مللەتێ كورد ب گشتی و ئێزدیان ب تایبەتی دكرن.
ئەو چەندە ژی دیاركر،مەرەم ژ ڤەكرنا ڤان جۆرە خۆلا خزمەتكرن و پێشئێخستنا جڤاكی یە،ب تایبەت تەخا گەنجان چ ئاوارە بن یان ژی خەلكێ دێرەبوونێ،هەروەسا بلندكرنا ئاستێ زانست و زانینێ یە ل نك وان.
تُتاح هذه الصورة أيضا في: کوردی