شنگال.. کوردێن ئێزدی ژبه‌ر حەشدا شەعبی نكارن ڤه‌گه‌رنه‌ ده‌ڤه‌رێن خۆ

باسنيوز:

سەرۆکی ئەنجومەنی شنگال، ئەوە دەخاتەڕوو کە حەشدی شەعبی رێگری لە گەڕانەوەی کوردە ئێزدییە ئاوارەکان دەکات لە شنگال، خەڵک لە ترسی ئەوان ناگەڕێنەوە.

وەیسی نایف، سەرۆکی ئەنجومەنی شارۆچکەی شنگال، بە (باسنیوز)ی راگەیاند: “لەو رۆژەی حەشدی شەعبی ھاتوەتە شنگال، ھیچ خێزانێکی کوردی ئێزدی نەگەڕاونەتەوە دەڤەری خۆیان، پێش ئەوەی حەشدی شەعبی بێتە شگال، ھیوا و ئومێدێک بۆ خەڵکی شنگال، ھەبوو کە بگەڕێنەوە زێدی خۆیان، بەڵام دوای ئەوەی حەشدی شەعبی ھات، ھیچ ھیوایەک بۆ گەڕانەوەی ئەو خێزانانە، نەماوە”.

سەرۆکی ئەنجومەنی شارۆچکەی شنگال، ئەوەشی خستەڕوو: “ئێستا ئەو بەشەی شنگال، کە لایەن پێشمەرگەوە رزگار کراوە، تائێستا 50% خەڵک گەڕاونەتەوە شوێنی خۆیان، چونکە خەڵکی شنگال چاوەڕێ بوون تەواوی شنگال ئازاد بکرێت و بگەڕێنەوە شوێنی خۆیان، بەڵام حەشدی شەعبی بەبێ ھەماھەنگی ھاتن، لەو دەڤەرە ترسیان بڵاو کردەوە”.