نڤیسینگەها لالش مەهەتێ روونشتنەكا ڤەكری ل سەر كەسایەتیا”بابە عیسۆ”سازدا
تۆرا لالش یا راگەهاندنێ 
دوهی رۆژا پێنج شەمبوویێ 29حوزەیرانا 2017ێ، ل باخچێ نڤیسینگەها لالش مەهەتێ روونشتنەكا ڤەكری ل سەر كەسایەتیا”بابە عیسۆ” وەك كەسەكێ باب چاك و خودێ ناس وچاڤ رۆن،ب ئامادەبوونا ژمارەكا رەوشەنبیر و مامۆستایان هاتە سازدان.
ل دەستپێكێ”مەهدی حەسەن”بەرپرسێ نڤیسینگەها لالش مەهەتێ بخێرهاتنا ئامادەبوویان كر،پاشی وەك رێزگزتن بۆ گیانێ پاكێ جانگۆریێن كورد و كوردستانێ و سەروەرێ وان بارزانیێ نەمر و كاك ئەدریسێ جوانە مەرگ خۆلەكەكێ سەكنین و ناڤێ دكتۆر”سیدو ئلیاس”ئینان كو ب روودانەكا دلتەزین وەغەركر.
ل دووڤدا دەست ب روونشتنێ هاتە كرن كو ژلایێ بەرێز”خەلات ئلیاس”بەرپرسێ بنگەهێ لالش تایێ باعەدرێ ڤە هات برێڤەبرن و تێدا بەحسێ ژیانناما بابە عیسۆ و هنەر وكەرامەتێن وی كر و دیاركر كو كەسەكێ خودێ دگەل كربوو و چاڤەرۆن بوو بۆ خەلكێ باوەریەكا موكم پێ هەبوو.
پاشی دانوستاندن و گەنگەشەكا زۆر دناڤبەرا “خەلات ئلیاس”و ئامادەبوویان دا هاتە كرن وبەرسڤ ل سەر پرسیاران هاتنە دان.
تُتاح هذه الصورة أيضا في: کوردی