دادگەھا فیدرال هنارتنا مووچە و بودجەیا ھەرێمێ رەت کر
WAAR-دهۆك:
دادگەھا فیدرالا ئیراقێ سکالایا فراکسیۆنێن ئێکەتی، گۆران، یەکگرتوو و کۆمەلا ئیسلامی، کو داخواز کربوو ئیراق قانوونا بودجەیی بجھـ بینیت، رەت کر.
ھەر چوار فراکسیۆنێن کوردستانی ل سەر رەتکرنا سکالا یا وان ژ ئالیێ دادگەھا فیدرال ڤە روونکرنەک بەلاڤ کر و تێدا دیار کر: وان ل دادگەھا فیدرال سکالایەک ل سەر نه‌پێگیریکرنێ ب قانوونا بودجەیا ئیراقێ یا سالا دوھزار و ھەڤدێ و نە هنارتنا مووچە و بودجەیا ھەرێمێ ئاراستە کربوو، لێ ئەڤرۆ ئەو سکالایە ھات رەتکرن. ئاماژە ژی کر: دادگەھا فیدرال ب بەھانەیا وێ یه‌کێ کو نە د تایبەتمەندییا وان دا یە، ئەو سکالایه رەت کریە.
ھەر چوار فراکسیۆنێن کوردستانێ داخواز ژ حکومەتا ھەرێمێ کر، د گه‌ل ڤەکرنا وی لاپەرێ نوو یێ ئەڤرۆ ھاتی راگەھاندن د گەل حکومەتا بەغدایێ دا، گاڤان بھاڤێژیت، داکو کێشەیا دارایی یا ھەرێما کوردستانێ بھێت چارەکرن.
تُتاح هذه الصورة أيضا في: کوردی