بۆچی فەرشێ سۆر بۆ پێشەوازیا سەرۆک و کەسایەتیێن گرنگ دهێتە دانان؟
ئەڤرۆ نیۆز:
ژ دابونەریتێن پێشەوازیا سەرۆک و کەسایەتیێن گرنگ ئەوە،دەمێ کو سەرەدانا وەلاتەکێ دکەن،فەرشێ سۆر ل فرۆکخانێ بۆ دهێتە دانان،ئەرێ ئەڤ دابونەریتە چاوا و ژ کیرێ پەیدابوویە؟.
هندەک ژ مێژوونڤیسان ڤێ دیاردێ ڤەدگەرینن بۆ چاخێ شەشێ بەری زایینی،ئانکو ڤی دابونەریتی ڤەدگەرینن بۆ شارستانیەتا یۆنانی،دیسا وەسا ددەنە دیارکرن کو ئەڤە دیاردەکا کەڤنە.
هەروەسا یۆنانیان د وی سەر دەمیدا بۆیاغا سۆر ب دەستخۆڤە د ئینا کو دگۆتێ”بهرس” وان ئەو بۆیاغە ژ لولپیچێن دەریایی ب دەستخۆڤە د ئینا،لەورا وان ب هزاران ئەو گیانەوەرێن لولپیچ ئەوێن کو در و مەرجانا چێدکەن دکوشتن،ژبەر ڤێ چەندێ بوهایێ وان گران بوو،لەورا کەسێن بالا دەست و دەولەمەند بتنێ قەمیسێن سۆر دکرنە بەرخوە،هەروەسا ل ڤێرێ گرنگی ب رەنگێ سۆر هاتیە دان بۆ کەسێن پایە بلند،لەورا ئەڤ چەندە ژ هنگێ هەتاکو نوکە بەلاڤەبوویە د هەلکەفتێن گرنگ دا،هەروەسا نوکە ژی فەرشێ رەنگ سۆر بۆ سەرۆک و کەسێن گرنگ ل جیهانێ دهێتە دانان.
تُتاح هذه الصورة أيضا في: کوردی