شێخ شامۆ ئێك ژ 100كەسایەتیێن ناڤدارێن كوردستانێ هاتیە دەست نیشان کرن
تۆرا لالش یا راگەهاندنێ
ئیرۆ رۆژا چارشەمبوویێ 19تەمووزا 2017ێ،دوو نڤیسەران ژ ئینسا كۆپیدیا ناڤدارێن كورد سەرەدانا دەستەیا بلندا بنگەهێ لالش ل دهۆكێ كر و ژبال بەرێز”شێخ شامۆ”سەرۆكێ بنگەهێ لالش ڤە هاتنە پێشوازیكرن.
ل بەراهیێ شاندی كورتە پەیڤەك پێشكێشكر و مەرەم ژ سەرەدانێ دیاركر كو ژبەر رۆل و خزمەتا چەند سالا یا بەرێز”شێخ شامۆ”دهەر بوارەكی دا چ بوارێ ئایینێ ئێزدیان یان دبوارێ نەتەوی و وەلاتپارێزیێ دا و دحەموو قۆناغ و روودانان دا وەك خودان هەلویست و خزمەتكارەكێ دۆزا رەوایا گەلێ كورد بوویە لەوما ژهەژی دیتینە وەك كەسایەتییەكێ ناڤدارێ كوردستانێ دەست نیشان بکەن و خەلات بكەن.
دتەوەرەكێ دی دا شاندێ راگەهاند كو پرۆژێ دروستكرنا پەرتۆكەكێ ب ناڤێ “100كەسایەتیێن ناڤدارێن كوردستانێ” هەیە و ئێك ژ وان كەسایەتیان بەرێز”شێخ شامۆ” هاتیە دەست نیشانكرن،وەك كەسایەتییەكێ ناڤدارێ كوردستانێ كو دوێ پەرتۆكێ دا وێ جیبگرە ،هەر دڤی بواری دا چەند پرس و پێزانین ل سەر ژیاننامە و قۆناخێن ژیانا وی دهەر بوارەكی دا وەرگرتن.
ژبال خۆڤە شێخی خۆشحالیا خۆ بۆ ڤێ سەرەدانێ و نرخاندن و خەلاتکرنێ ئانی زمان.
تُتاح هذه الصورة أيضا في: کوردی