ئەڤان کەسکاتی و خوارنان بخۆ کێشا تە زێدە ناکەن
ئەڤرۆ نیۆز:
گەلەک یا ب زەحمەتە مرۆڤ بشێت حەزا خوارنێ کۆنترۆل بکەت،دەمێ تە بریارا خوە زەعیفکرنێ دا و خوارنەکا خۆش ل بەر سنگێ تەبیت،بلا ئەم د راستگۆبین ل گەل ئیک،هەموو گاڤا مرۆڤ هەست ب برساتیێ دکەت،هەروەسا ل دەمێ خوە زەعیفکرنێدا،دەمێ تۆ دەرگەهێ سەلاجێ ڤەدکەی،مەحالە تۆ خوە رابگری و تشتەکێ ب لەزەت ژێ نەئینیەدەر.
هەر چاوا بیت چەندین خوارن هەنە کو تو دشێی ب درێژاهیا رۆژێ بخۆی و کێشا لەشێ تە پێ زێدە نەبیت،چونکی رێژا وزا کالۆری د وان خوارناندا زۆر یا کێمە.
1.کەرەفس:
پتری 95% کەرەفس ژ ئاڤێ پێکهاتیە،ئەڤ کەسکاتیە یا ب مفایە و هەروەسا 30% پێدڤیێن تە یێن رۆژانە بۆ ڤیتامین k دابین دکەت،وەسا باشترە کو ئەو کەرەفسا تۆ دخوی یا نوو بیت و 5 رۆژ ب سەر ژێڤەکرنا وێ دا نەبوریت،چونکی پشتی 5 رۆژا کەرەفس پێکهاتێن خوە یێن ب مفا ژ دەست ددەت.
2-جەرجیر:
بتنێ 10 کیلۆیێن کالۆری د دو دەستکێن جەرجیرێ دا هەنە،لەورا ئەڤ کەسکاتیە هاریکارەکا نموونەیە بۆ دابەزاندنا کێشێ بێی کو هیچ زیانەکێ ب گەهینیتە لەشی،تۆ دشێی زەلاتا جەرجیرێ ل گەل پەنیرێ سپی و زەیتا زەیتوونێ ئامادە بکەی،یان ژی تۆ دشێی ل گەل هەر جۆرەکێ دی یێ زەلاتێ ب کاربینی.
3.زەلاتە:
زەلاتە ب پاکێجا ڤیتامینێن A و C و ترشێ فۆلیکی و مادەیێ ئاسنی دهێتە نیاسین،زەلاتە دڤێت یا ڤالا بیت ژ کالۆری،لەورا خوارنا رێژەیەکا زۆر ژ زەلاتێ نابیتە ئەگەرێ زێدەبوونا کێشێ.
4.خیار:
خیاری ژی وەکی کەرەفسێ هەمان رێژا ئاڤێ تێدا هەیە،خیارێ نازک و کەسک تازە مفایەکێ ئێکجار زۆر بۆ لەشێ مرۆڤی هەیە،لێ وەسا باشترە کو تۆ تیڤلێ خیاری ژێڤەنەکەی،چونکی مفایەکێ ئێکجار زۆر د تیڤلێ ویدا هەیه.
5.قەرنەبیت:
رێژەیەکا زۆر یا ڤیتامینێن K و C تێدا هەیە، وەسا باشترە کو مرۆڤ ب خاڤی بخوت.
6.باجان سۆرک:
باجان سۆرک یا پرە ژ لایکۆپینی و ڤیتامینێن A و C و B2 و ترشێ فۆلیکی و ریشالان و کرۆمیۆم و پۆتاسیۆمی،باجان سۆرک یا ڤالایە ژ کالۆری و هەروەسا کۆمەکا ماددێن سەرەکی د بەخشیتە مرۆڤی،کو دگرنگن بۆ زیندیکرنا لەشێ مروۆڤی.
7.برۆکلی:
ئەو کەسێن کو هەولا دابەزینا کێشا خوە ددەن،دڤێت برۆکلی ب رێژەیەکا زۆر بخۆن،ژبلی کو ڤیتامینێن A، C، ،E ،K د برۆکلی دا هەنە،هەروەسا پێدڤیا 20% یا ریشالان تێدا هەیە کو بۆ لەشی د پێدڤینە.
8.گەنمەشامی:
ئێک کۆپێ گەنمەشامیێن بژارتی چ کاریگەریێ ل سەر کێشا لەشی ناکەت،چونکی دەمێ گەنمەشامی دهێتە بژارتن زۆربەیا قەبارێ وێ هەوایە،هەروەسا هیچ کاریگەریەک ل سەر کێشا لەشێ مرۆڤی ناکەت.
9.سندی:
فاکتەرەکێ باشێ راگرتنا رێژەیا شەکرێ یە د لەشیدا و خۆدانا رێژەیەکا بەرچاڤ یا ڤیتامین C یە.
10.گوندۆر:
فێقیەکێ شرین و ب تامە، نیڤا پێدڤیا رۆژانە یا لەشی بۆ ڤیتامینێن A،C دابین دکەت.
تُتاح هذه الصورة أيضا في: کوردی