قاسم شەشۆ: ھێزێن نەشەرعی ل شنگالێ رێگرێن ئاڤەدانیێ نە
WAAR-دهۆک:
ئەڤرۆ سێ سال ب سەر کارەساتا شنگالێ دەرباز بوون و هێزێن نەشەرعی ل وێ دەڤەرێ ئەگەرێن نەئاڤەدانیێ نە.
قاسم شەشۆ، فەرماندارێ شنگالێ ئەڤرۆ بۆ ئەنادۆلێ راگەھاند؛ ئەڤرۆ سێ سال ب سەر کارەساتا جینۆسایدا کوردێن ئێزدی دا دەرباز بوون، خەلکێ شنگال و دەردۆرێن وێ پێشبینییا ئاڤەدانبوونا دەڤەرێن خوە دکەن، لێ تا نھا ژ بەر ھەبوونا ژمارەکا ھێزێن نەشەرعی ل وێ دەڤەرێ، حکومەتا ھەرێما کوردستانێ و رێکخستیێن ناڤدەولەتی نەشیاینە ب دروستی ئەرکێن خوە ل شنگالێ بکەن و خزمەتا وەلاتیێن وێ دەڤەرێ بکەن.
فەرماندارێ شنگالێ گۆت ژی: وەلاتیێن شنگالێ پشتی بۆرینا سێ سالان ب سەر کارەساتێ دا، ل سەر سێ بەرەیان دابەش بووینە، بەرەیێ سەرەکی کو پڕانییا خەلکێ دەڤەرێ د ناڤا وی دانە، دگەل پێشمەرگەی و ھەرێما کوردستانێ یە کو تاکە ھێزا شەرعی یا وێ دەڤەرێ یە و دو بەرەیێن دی ل سەر پەکەکێ و حەشدا شەعبی دابەش بووینە.
تُتاح هذه الصورة أيضا في: کوردی