قارەمانیا(هەموو بەرەف ریفراندۆمێ) هاتە ئەنجام دان
تۆرا لالش یا راگەهاندنێ
ل كەمپا مام رەشان یاریا داویێ یا قارەمانیا(هەموو بەرەف ریفراندۆمێ) هاتە ئەنجام دان ،كو یاریا داویێ دناڤبەرا تیمێن گەهشتین قۆناغا داویێ هاتە كرن.
ئیرۆ رۆژا پێنج شەمبوویێ 10تەباخا 2017ێ،ب ئامادەبوونا رێڤەبەرێ كەمپا مام رەشان و نوونەرێن لقێ هەڤدە یێ پارتی دیموكراتی كوردستان و شیرەتكارێ پارێزگەرێ مووسل بۆ كاروبارێن ئێزدیان و بەرپرسێ ئێكەتیا لاوێن كوردستانێ تایێ شنگال و نوونەرێ بنگەهێ لالش تایێ شنگال و بەرپرسێن پۆلیس و ئاساییشێ ل كەمپێ و جەماوەرەكێ زۆر ژ كەمپێ،یاریا داویێ یا قارەمانیا(هەموو بەرەف ریفراندۆمێ) یا تەپاپێ یا بچووككری هاتە ئەنجام دان،كو ژبال ئێكەتیا لاوێن كوردستانێ تایێ شنگال وب هەڤكاری دگەل كارگێریا كەمپێ و بنگەهێ لالش تایێ شنگال و ب سەرپەرشتیا لقێ هەڤدە یێ پارتی هاتبوو رێكخستن.
ل رێككەفتی 17تەمووزا 2017ێ ئەڤ قارەمانی ب پشكداریا 32تیمان ژ ناڤ كەمپێ هاتبوو ڤەكرن،هەر دوو تیمێن(النوارس،دلتا)گەهشتن یاریا داویێ و تیما دلتا سەركەفتن تۆماركرن و ناسناڤێ قارەمانیێ دەست ڤە ئینا.
ل داویێ تیمێن ئێك و دوو هاتنە خەلات كرن،زێدەباری دانا جامێ بۆ تیمێن سێ و چار و خەلات كرنا باشترین گۆلپارێز و گۆلگەرێ قارەمانیێ و ستافێ دادڤانێ یاریێ،ژبال رێكخستیێن قارەمانیێ ڤە.
تُتاح هذه الصورة أيضا في: کوردی