شاندا ههرێمێ ژمارهیهكا كۆمبوونان ل بهغدا كرن
WAAR-دهۆك:
شاندا جڤاتا بلند یا رێفراندومێ، ل بهغدا دگهل سهرۆككۆمارێ ئیراقێ و سهرۆكێ رهوتا حكمه یا نشتیمانی و بالیۆزێن ئهمریكا و ئیرانێ كۆمبوون و ههموو ئهو كۆمبوونه ب ئهرێنێ ناڤكرن.
كۆمبوونێن شاندا جڤاتا بلندا رێفراندومێ بۆ رۆژا دوێ ل بهغدا بهردهوامن و پشتی كۆمبوونا شڤێدی یا دگهل عهبادی، ئهڤرۆ ژی ئهو شانده دگهل دوگلاس سیلمان بالیۆزێ ئهمریكا ل ئیراقێ، دكتور فوئاد مهعسووم سهرۆككۆمارێ ئیراقێ و ئیرهج مهسجده بالیۆزێ ئیرانێ ل بهغدا و عهمار حهكیم سهرۆكێ رهوتا حكمه یا نشتیمانی كۆمبوون و د ههموو كۆمبوونان دا، دوپاتی ل بنپێكاریێن حكومهتێن ئیراقێ ل ههمبهری دستوور و مافێن گهلێ كورد كرن، ههروهسا باس ل رێفراندومێ كر كو بریارا گهلێ كوردستانێ یه و ناهێته پاشخستن.
ماجد بازرگان ئهندامێ شاندا جڤاتا بلند یا رێفراندومێ راگههاند؛ ههموو كۆمبوونێن شاندا ههرێمێ د ئهرێنی بووینه و كۆمبوونێن وان دێ بهردهوامبن و چاڤهرییه سوبه ژی، دگهل نووری مالكی سهرۆكێ حزبا دهعوه كۆمببن.
تُتاح هذه الصورة أيضا في: کوردی