كارگەهەكا مەحفوران و كارێ دەستی دێ ل كۆمەلگەها خانكێ ئێتە دروستكرن
تۆرا لالش یا راگەهاندنێ
سەرۆكێ باژێرڤانیا خانكێ ئاشكەراكر،كارگەهەكا چێكرنا مەحفوران و كارێ دەستی ل كۆمەلگەها خانكێ دێ ئێتە دروستكرن،كو 30كەس ژ ئاواران و خەلكێ خۆجهێ كۆمەلگەهێ دێ تێدا كار كن.
(حەمود غەربی)بۆ رۆژناما دەنگێ لالش دیاركر،پشتی كۆمبوونەك ل بارەگەهێ رێڤەبەریا جێ بەجێ كار ل پارێزگەها دهۆكێ هاتیە ئەنجام دان ب ئامادەبوونا هاریكارێ پارێزگەهێ دهۆك بۆ كاروبارێن ئاوارەیان و چەندین دەزگەه و رێڤەبەرێن پەیوەندیدار ب ڤێ چەندێ ڤە،بریار هاتە دان كو دگەل رێكخراوا(IMO)دێ رابت ب دروستكرنا كارگەهەكا چێكرنا مەحفوران و كارێ دەستی ل كۆمەلگەها خانكێ بۆ (30) كەسان كو (15) ژوان دئاوارەنە و (15) خەلكێ خۆجهێ خانكێ نە و لسەر رووبەرێ (٢٠٠٠ م٢) و ب كوژمێ (150) هەزار دۆلارێن ئەمریكی.
ئەو چەندە ژی راگەهاند،ئەڤ كارگەهە دێ بۆ ماوێ دوو سالان ئێتە سەرپەرشتیكرن ژلایێ رێكخراوا ناڤبری ڤە،پاشێ دێ ئێتە برێڤەبرن ژلایێ باژێرڤانیا خانكێ ڤە ودپاشەرۆژێ دا مە پلان هەیە بێتە بەرفرەهكرن.
تُتاح هذه الصورة أيضا في: کوردی