نڤیسەرکێ ئسرائیلی: پێدڤییە تەلئەڤیڤ پەیوەندییان دگەل دەولەتا کوردستانێ دروستبکەت

نڤیسەرکێ ئسرائیلی: پێدڤییە تەلئەڤیڤ پەیوەندییان دگەل دەولەتا کوردستانێ دروستبکەت
WAAR-دهۆك

نڤیسەرەکێ نێزیک ژ سەرۆکوەزیرێن ئسرائیلێ داخواز کر پەیوەندییێن وەلاتێ وی د گەل کوردستانێ بھێتە دروستکرن و دوپات کر؛ پەیوەندیێن دەولەتا کوردستانێ و ئسرائیلێ گرنگییەکا مەزن ھەیە و دێ بنە ھەڤپەیمان.
ئارئێل پۆلشتاین، نڤیسەرێ رۆژنامەیا ئسرائیلا ئەڤرۆ یێ نێزیکی بنیامێن نەتەنیاھۆ، سەرۆکوەزیرێن ئسرائیلێ راگەھاند؛ ھەر دەما دەولەتا کوردستانێ ھاتە راگەھاندن، دێ بیتە ھەڤپەیمانەکا بھێز دگەل ئسرائیلێ.
پۆلیشتاین كو ھەمان دەم دا پارێزەره‌ و د بنیات دا جوھیێ رۆسیایه‌، پەیوەندییا د ناڤبەرا کوردستانێ و ئسرائیلێ دا ب گرنگ دبینیت و دوپات کر؛ ئسرائیل دروستبوونا دەولەتا کوردستانێ ب پێدڤی دزانیت.
گۆت ژی: بێبەھرکرنا کوردان ژ دەولەتا سەربخوە زۆلمەکا مەزنە، ژبەرکو گەلێ کورد نەھامەتیێن مەزن ژ رژێمێن ئێک ل دووڤ ئێکێن دەڤەرێ دیتینە، لێ بزاڤێن ژناڤبرنا کوردان سەرکەفتی نەبوون.
ل گۆری گۆتنا پۆلشتاین، دەولەتا کوردستانێ دێ رۆلەکێ گرنگ ل رۆژھەلاتا ناڤین ھەبیت، ئەو یەک ژی د بەرژەوندییا ئسرائیلێ دایە، پێدڤییە تەلئەڤیڤ ژی دەلیڤا دروستکرنا پەیوەندیێن خوە د گەل دەولەتا کوردستانێ ژ دەست نەدەت.

تُتاح هذه الصورة أيضا في: کوردی