بۆ پرسا رێفراندۆمێ وھەلبژارتنا دێ وەکو پارێزگەھا مامەلا گەل شنگال ھێتە کرن
باسنيوز:
قائیمقامێ قەزا شنگال بۆ (باسنیوز) دیارکرکو بۆ پرسا رێفراندۆمێ و ھەلبژارتنا دی، مامەلا وەکو پارێزگەە دگەل شنگال ھێتەکرن ئەڤە داخوازیا مە بلندکریە بۆ ئەنجومەنی وەزیران ل ھەرێما کوردستانێ ب خوشحالی ڤە ھاتیە وەرگرتن دێ بنگەھێن دەنگدانێ بۆ رێفراندۆمێ ل شنگال ھێنە ڤەکرن.
مەحما خەلیل، قائیمقامێ قەزا شنگال، بۆ (باسنیوز) دیارکر: “بۆ پرسا رێفراندۆمێ دی چەندین بنگەھێن دەنگدانی ل شنگال ھێتە دانان مە داخواز کریە وەکو پارێزگەە سەرەدەریی دگەل شنگال بھێتە کرن بۆ رێفراندۆمێ و ھەلبژارتنا ل ھەرێما کوردستانێ چونکو شنگال یا پێگھاتیە ژ 14 ناحیی و کۆمەلگەھێن مەزن زێدەباری ھژمارەکا زۆر گۆندان ئاکنجێن شنگال دگەھنە نێزیکێ نێڤ ملیون کەسان ورووبەرەکێ زۆر مەزن ھەیە نوکە شنگال تەمەت پارێزگەھا دھۆکێ یە”.
قائیمقامێ قەزا شنگال، گۆت: “دەمێ وەکو پارێزگەھەکا سەربەخۆ ل ھەرێما کوردستانێ بۆ پرسا رێفراندۆمێ و ھەلبژارتنا مامەلا دگەل شنگال دھێتە کرن بیگومان دێ بیتە ریخوشکەر بۆ بریاردانی ل سەر پارێزگەھا شنگال ئەڤە دێ ئێش وئازارێن شنگالیان دەرمان کەت دێ خەلک ژی ڤەگەرنە سەر مالێن خوە وشنگال بسەر مووسل ڤە نامین تدێ بیتە پارێزگەھەک سەر ھەرێما کوردستانێ ڤە”.
سەیدۆ چەتۆ، سەرۆکێ کوتلا برایەتیی و پێکڤە ژیانی ل جڤاتا پارێزگەھا مووسل بۆ (باسنیوز) دیارکر: “ئامادەکاریێن ئەنجامدانا رێفراندۆمێ ل شنگال و زوممار و رەبیعە و ھەموو دەشتا مووسل دەست پێ کریە ئەم دگەل داینە مامەلا دگەل دەشتا مووسل و شنگال وکو پارێزگەە بھێتە کرن چونکو داخوازیا خەلکێ وان دەڤەرانە ببنە پارێزگەە ل دەمێ رێفراندۆمێ و ھەلبژارتنا مامەلا وەکو پارێزگەە دگەلدا دھێتە کرن بیگومان پشتی ئەنجامێن رێفراندۆمێ دھێنە راگەھاندن دی ئیتر ھەموو کاروبارێن شنگال و دەشتا مووسل وەکو پارێزگەە ھێنە رێڤەبرن”.
وەیسی نایف، سەرۆکێ جڤاتا قەزا شنگال بۆ (باسنیوز)، دیارکر: “خەلکێ شنگال ب گەرمێ پێشوازی رێفراندۆمی دکەن ھەتا ژی گوندێن عەرەبان ژێ داخواز دکەن بھێنە سەر ھەرێما کوردستانێ ڤە ژبەر ڤی چەندی ژی مە دەست ب ئامادەکاریان کریە بۆ ئەنجامدانا رێفراندۆمێ ل شنگال”.
سەرۆکێ جڤاتا قەزا شنگال، ئەوژی دیارکر: “نوکە ھەموو تاکیێن شنگال بەرھەڤیێن خوە دکەن بۆ دەنگدانی ب دەنگی بەلێ بۆ رێفراندۆمێ و رۆژانا ژی چەندین چالاکێن ھەمە جۆر دھێنە ئەنجامدان بۆ ھاندانا وەلاتیان چونکو دەمێ شنگالێ ل شنگال دەنگێ خوە بۆ رێفراندۆمێ بدەت و سەندوقێن دەنگدانی ل شنگال بھێتە ڤەڤارتن ومامەلا دگەل شنگال وەکو پارێزگەە بھێتە کرن ئەڤە دێ بیتە ھاندار شنگالێ دەست ژیانەکا نوو بکەن ل سەر ئاخا باب وباپیرین خوە وپینگاڤەکا زۆر گرنگە مامەلا وەکو پارێزگەە دگەل شنگال بھێتە کرن نە بتنی بۆ رێفراندۆمێ بەلکو بۆ ھەموو کاروبارێن شنگال دخوازین ھەرێما کوردستانێ وەکو پارێزگەە مامەلا گەل شنگال بکەت”.
عەلی سالح، بەندی رێڤەبەرێ گشتی فەرمانگەھا کومیسونا بالا سەربەخۆیا ھەلبژارتنا و راپرسی ل پارێزگەھا دھۆکێ، بۆ (باسنیوز) دیارکر: “فەرمانگەھەکا تایبەت بۆ دەڤەرێن رزگارکری وەکو شنگال و زوممار و رەبیعە و سنۆنی و دەشتا مووسل ھاتە ڤەکرن دێ کاری راپرسی ئەنجام دەت ل وان دەڤەران وبنگە ھژی دێ ھەموو دەڤەران ھێنە ڤەکرن بۆ رێفراندۆمێ”.
تُتاح هذه الصورة أيضا في: کوردی