وەزیرێ دەرڤهيێ توركیا دێ سەرهدانا هەولێرێ كت
وشه
لە ڕاگەیەنراوێكی وەزارەتی دەرەوەی توركیا هاتووە، سبەی چوارشەم مەولوود چاوش ئۆغڵۆ وەزیری دەرەوەی توركیا بە سەردانێكی فەرمی دەگاتە بەغدا و دواتریش دەگاتە هەولێر.
لە ڕاگەیەنراوەكەی وەزارەتی دەرەوەی توركیا هاتووە، رۆژی 23ی ئەم مانگە كە دەكاتە سبەی چوارشەم، مەولوود چاوش ئۆغڵۆ وەزیری دەرەوەی توركیا بە فەرمی سەردانی عێراق دەكات و پێوەندییەكانی نێوان توركیا و عێراق لەگەڵ سەرانی عێراق دەخاتە بەرباس.
كهناڵی TRT زمانحالی حكوومهتی توركیا ڕاگهیهنراوهكهی وهزارهتی دهرهوهی توركیای بڵاوكردووهتهوه و تێیدا هاتووه، وەزیری دەرەوەی توركیا لە میانەی سەردانەكەی بۆ بەغدا چاوی بە هەریەك لە فوئاد مەعسووم سەرۆك كۆماری عێراق و حەیدەر عەبادی سەرۆك وەزیرانی عێراق و سەلیم جبووری سەرۆكی ئەنجوومەنی نوێنەرانی عێراق و ئیبراهیم جەعفەری وەزیری دەرەوەی عێراق دەكەوێت.
لە بەشێكی تری ڕاگەیەنراوەكە هاتووە، دواتر مەولوود چاوش ئۆغڵۆ لەگەڵ لایەنە سیاسییەكانی توركمان لە عێراق كۆ دەبێتەوە و گفتوگۆیان لەگەڵ دەكات، پاشان بەرەو هەولێر بەڕێ دەكەوێت و لەگەڵ مەسعوود بارزانی سەرۆكی هەرێمی كوردستان كۆ دەبێتەوە.
هاتنی وەزیری دەرەوەی توركیا بۆ عێراق، لە كاتێكدایە پێشتر پێوەندییەكانی بەغدا و ئەنكەرە بەردەوام گرژ و ناكۆك بوون، بەهۆی سیاسەتەكانی نووری مالیكییەوە، بەڵام دوای هاتنی عەبادی بۆ پۆستی سەرۆك وەزیرانی عێراق پێوەندییەكانی هەردوولا بەرەو ئاساییبوونەوە دەڕۆن، هاوكات پێوەندی كوردستان و توركیاش لە ئاستێكی زۆر باشدایە و لە ڕووی ئابووری و سیاسییەوە كوردستان پێوەندییەكی تۆكمەی لەگەڵ ئەنكەرە هەیە و لەسەر پرسی ڕیفراندۆم ئەنكەرە كاتەكەی بە گونجاو نازانێت، بەڵام كوردستان سوورە لەسەر ئەنجامدانی ڕیفراندۆم بۆ سەربەخۆیی كوردستان.
باز
تُتاح هذه الصورة أيضا في: کوردی