نەجمەدین کەریم: حەوێجە بێی پێشمەرگەی ناھێتە رزگارکرن
WAAR-دهۆك:
پارێزگارێ کەرکووکێ دگەل مەزنە سەرکردەیێن پێشمەرگەی ل وێ پارێزگەھێ کۆم بوو و ژڤانێ دەستپێکرنا ئۆپەراسیۆنا رزگارکرنا حەوێجە و کەیسا ئالایێ کوردستانێ ل کەرکووکێ، باس کرن.
پەیامنێرێ وار ل کەرکووکێ ئاشکرا کر؛ نەجمەدین کەریم ئەڤرۆ دگەل مەزنە سەرکردەیێن پێشمەرگەی ل سنۆرێ کەرکووکێ کۆم بوو و ژ سەرەکیترین بابەتێن کۆمبوونێ، ژڤانێ دەستپێکرنا ئۆپەراسیۆنا حەوێجە بوو کو گومان ھەنە ئیراق دخوازیت پاشبێخیته ڤە و پارێزگارێ کەرکووکێ ئاشکرا کر؛ حەوێجە بێی ھێزێن پێشمەرگەی ناھێتە رزگارکرن.
دەربارەی بلندکرنا ئالایێ کوردستانێ ل ھەموو سازیێن حکومی ل کەرکووکێ پارێزگارێ کەرکووکێ راگەھاند؛ کەیس ب داوی ھاتییە و ئالا دێ ل کەرکووکێ بلندکری بیت.
وەزارەتا بەرگرییا ئیراقێ د سالا بۆری دا نێزیکبوونا ژڤانێ رزگارکرنا حەوێجە دیار کربوو کو ژڤان بوو ئەڤ سالە ئەو باژێڕ بھێتە رزگارکرن، لێ ھادی عامری، سەرۆکێ ئەمیندارێ گشتی یێ ھێزێن بەدر بەری چەندین رۆژان راگەھاندییە؛ شەڕێ ئەنبار یان حەوێجە پشتی رزگارکرنا تللەعفەر دێ دەستپێ کەن و گومان ھەیە حەوێجە بۆ قووناغا پشتی رزگارکرنا ئەنبار بھێتە پاشخستن.
تُتاح هذه الصورة أيضا في: کوردی