ئهپل دێ ئایفۆنا 8 ل 12 ئیلۆنێ راگههینیت
WAAR-دهۆك:
وهها بڕیاره ل رۆژێن بهێت، كۆمپانییا ئهپل ئایفۆنا ههشت بێخیته بازاڕی و پێشبینی ژی كرییه، ب ئاوایهكێ ئێكجار مهزن داخوازی ل سهر ههبیت.
كۆمپانییا ئهپل، ئامادهكاریێن راگههاندنا ئایفۆنا نوو دكهت كو ب ئایفۆن ههشت ناسیاره و پێشبینی ژی كرییه، تنێ د چارێكا داویێ ژ ئهڤساله دا، ب قهبارهیێ پێنجی و دو ملیار دۆلاران ئایفۆنا نوو بهێته فرۆشتن.
ئهپلێ راگههاندییه؛ ئایفۆنا نوو دێ ل دوازدهی ڤێ مههێ د رێورهسمهكا تایبهت دا ل ویلایهتا كالیفۆرنیا هێته نیشان دان و تنێ هزار كهس بۆ وێ رێورهسمێ هاتینه داخوازكرن.
كۆمپانییا ئهپل چهندین گوهۆرین د ئایفۆنا نوو دا كرینه، ژ وان مهزنكرنا قهبارێ شاشێ، نههێلانا هۆم باتۆنێ و ههروهسا پهنجه مۆرا نهێنی و سیستهما سلامهتیێ ل دهما هاژۆتنا ترومبێلێ، ههروهسا چارجینكا بێی وایر.
ئایفۆنا نوو ژی دێ ب ههرسێ رهنگێن سپی، رهش و ههروهسا رهنگێ پینگ كهڤیته د بازاڕی دا.
تُتاح هذه الصورة أيضا في: کوردی