پیر خدر سلێمان: كوردێن ئێزدی ب دەنگێ (بەلێ) بۆ ریفراندۆمێ دێ چارەنڤیسێ خۆ دیار كن
باسنيوز:
كەسایەتیی كوردێن ئێزدی و سەرۆكێ بەرێ یێ بنگەهێ لالش یێ رەوشەنبیری و كۆمەلایەتی دهۆكێ دیاركركو كوردێن ئێزدی ب هەموو شیوەیان دگەل ریفراندۆمێ نە بۆ سەربەخۆیا كوردستانێ. خەلكێ مە دێ ب دەنگێ بەلێ چارەنڤیسێ خوە دیاركەن.
پیر خدر سلێمان، سەرۆكێ بەرێ یێ بنگەهێ لالش یێ رەوشەنبیری و كۆمەلایەتی دهۆكێ بۆ(باسنیوز) دیاركر:” ریفراندۆم پرسەكا نەتەوەیی یە وچارەنڤیسازە. كوردێن ئێزدی ب هەموو شیوەیان دگەل دانە، هەكە هندەك هەبن بێژن ئەم مەغدوورن لی نابیت كوردێن ئێزدی مەغدووری و چارەنڤیسێ خوە تێكەلی ئێك بكەن چونكو بتنێ دەولەتا كوردستانێ دا دێ هەموو مافێن ئێزدیان هێنە پاراستن دێ ئێزدی بنە ئێك پارچە دێ زۆرداریا بەغدا رزگار بن”.
ئەوژی دیاركر: “هەكە كوردستان ببیتە كۆمارەكا فیدرال دێ هەموو كێشە و ئاریشەیێن مه دێ چارەسەربن. زۆر نۆرمالە دەشتا نەینەوا و شنگال ببنە دەڤەرێن سەربەخۆ سەر هەرێما كوردستانێ ڤە بن”.
تُتاح هذه الصورة أيضا في: کوردی