دوو کچێن کوردێن ئێزدى هاتنە رزگارکرن
دهۆک-KDP.info-
بەرپرسێ نڤیسینگەها رەڤاندیێن کوردێن ئیزیدى ل پارێزگەها دهۆک راگەهاند، دوو کچێن ئیزیدى ب هاریکاریا دەزگەهێن ئێمناهى یێن هەرێما کوردستانێ ژ دەستێ تیرۆرستێن داعشێ ل دەڤەرا مووسل هاتنە رزگارکرن.
(حوسێن قائیدى) بەرپرسێ نڤیسینگەها رەڤاندیێن کوردێن ئیزیدى ل پارێزگەها دهۆک، بۆ مالپەرێ فەرمیێ پارتى دیموکراتى کوردستان ئاشکەرا کر:” بەردەوام یێ هەولا رزگارکرنا کوردێن ئیزیدى دکەن،ئەڤرۆ ژى دوو کچێن کوردێن ئیزیدى، ئێک ژ دایکبوویا تل قەسەب و ئێک ژ دەڤەرا حەردان، بناڤێ (شجاع و رەحیما) ژلایێ وانڤە ب هاریکاریا (خدر ئلیاس و بەرەکات شەمو)یى هاتینە رزگارکرن”.
بەرپرسێ نڤیسینگەها رەڤاندیێن کوردێن ئیزیدى ل پارێزگەها دهۆک، گۆت:” ئەم سۆپاسیا هەر کەسەکى دکەین یێن هاریکار د رزگارکرنا کوردێن ئیزیدیدا، ب تایبەت دەزگەهێن ئێمناهى یێن هەرێما کوردستانێ”.
نڤیسینگەها رەڤاندیێن کوردێن ئیزیدى ل پارێزگەها دهۆک سەر ب نڤیسینگەها سەرۆکێ حکومەتا هەرێما کوردستانێ (نیجیرڤان بارزانى) ڤەیە، ل پشتى 3 ئابا 2014ێ، هاتیە دامەزراندن، ژبۆ رزگارکرنا رەڤاندیێن کوردێن ئیزیدى ژ دەستێ تیرۆرستێن داعشێ، تا نوکە نیزیکى 3100 کەسان رزگارکرینە و 3 هزار ماینە ڤە و رزگار نەبووینە.
تُتاح هذه الصورة أيضا في: کوردی