نێچیرڤان بارزانی: ھەموو ئالی ل سەر رێفراندۆمێ رژدن
WAAR-دهۆك:
سەرۆکوەزیرێن ھەرێما کوردستانێ راگەھاند؛ تا نھا چۆ بریار بۆ پاشخستنا رێفراندۆما سەرخوەبوونا کوردستانێ نینن، دوپاتکر کو چو گەفێن سەربازی ل سەر ھەرێمێ نینن.
نێچیرڤان بارزانی سەرۆکوەزیرێن ھەرێمێ ل دۆر رێفراندۆما سەرخوەبوونا کوردستانێ و پەیوەندیێن ھەرێمێ و بەغدا و وەلاتێن جیھانێ د گەل ژمارەیەکا مەدیاکاران دا کۆمبوو، تێدا گۆت: ھەرێم بەرھەڤە داوی دەلیڤە بدەت بەغدا و دانوستاندن ل سەر پرسا سنۆران و کێشەیێن د ناڤبەرا ھەردو ئالیان دا بهێن گۆتووبێژ كرن و دوپاتکر کو ھەموو ئالی رژدن ل سەر کرنا رێفراندۆمێ.
نێچیرڤان بارزانی خوەیا ژی کر، ژ بەر رێفراندۆمێ چو گەفێن سەربازی ل سەر ھەرێما کوردستانێ نینن و نە ئیراق و نە تورکیا هێزا سهربازی ل دژى ههرێمێ ب كار نائینن.
سەبارەت راستڤەکرنا مووچەیێن فەرمانبەران ژی گۆت: حکومەت بزاڤێ دکەت ب ھەموو شیانان مووچەیێ فەرمانبەرێن ھەرێما کوردستانی باشتر لێ بھێت، ئاماژەکر ھندی داھات بھێت زێدەکرن، کێشەیا مووچەی دێ کێمتر لێ ھێت.
تُتاح هذه الصورة أيضا في: کوردی