.حەویجە.. 20 گوند ژ دەستێ داعشێ ھاتن رزگارکرن
WAAR-دهۆك:
فەرماندارێ ئۆپەراسیۆنا رزگارکرنا باژارێ حەویجە راگەھاند؛ ئەڤرۆ ھێزێن ئیراقێ لاپەرێ ئێکێ ژ قوناغا ئێکێ یا رزگارکرنا باژارێ حەویجە ب داوی ئینا و بیست گوند رزگارکرن.
فەریق عەبدولئەمیر رەشید یارەللا د بەیانەکێ دا راگەھاند؛ ئەڤرۆ پۆلیسێن فیدرال و بەرسڤدانا ب لەز و حەشدا شەعبی بیست گوندێن سەر ب دەڤەردارییا حەویجە ڤە ژ دەستێ رێکخستنا تیرۆرستی یا داعشێ رزگارکرن.
یارەللا گۆت ژی؛ ب رزگارکرنا وان گوندان، ھێزێن ئیراقی لاپەرێ ئێکێ ژ قۆناغا ئێکێ یا رزگارکرنا باژارێ حەویجە ب داوی ئینا.
ئەڤرۆ سپێدێ سەرۆکوەزیرێن ئیراقێ قۆناغا ئێکێ یا ئۆپەراسیۆنا رزگارکرنا حەویجە ژ دەستێن داعشێ راگەھاند، کو ھێزێن سوپای، پۆلیسێن فیدرال، بەرسڤدانا بلەز و حەشدا شەعبی د وێ ئۆپەراسیۆنێ دا پشکدارن.
ل گۆری ئاگەھیێن مەدیایێ ژی، دڤێ ھێرشێ دا ھێزێن ئیراقی زیانێن مەزن ب تیرۆرستێن داعشێ گەھاندینە
تُتاح هذه الصورة أيضا في: کوردی