کۆنگرێسمانێن ئەمریکا داخوازا پشتەڤانیا سەرخوەبوونا کوردستانێ دکەن
WAAR-دهۆك:
ھژمارەکا گۆنگرێسمانێن ئەمریکا نامەیەکا نەرازیبوونێ بۆ وەزیرێ دەرڤە ھنارتیە و داخواز ژێ کر پشتەڤانییێ ل رێفراندۆما سەرخوەبوونا کوردستانێ بکەت.
ھەر ئێک ژ ستیڤ کینگ، ترێنت فرانکس، رۆبێرت پینتێنگەر و دۆگلاس لامالفا، نامەیەکا نەرازیبوونێ بۆ رێکس تیلەرسۆن، وەزیرێ دەرڤەیێ ئەمریکا ھنارتیە و تێدا ئاشکرا کرییە، نەپشتەڤانیکرنا رێفراندۆما سەرخوەبوونا کوردستانێ، ئەمریکا دێ دەلیڤەکا دیرۆکی بۆ بھێزکرنا شەرێ دژی داعشێ ل دڤەرێ ژ دەست دەت.
ئەو کۆنگرێسمان ھەموو ژ پارتییا کۆماریانە و د نامەیا خوەدا گۆتیە؛ پێدڤییە ئەمریکا وەکو ھەڤپەیمانەک د گەل کوردان کار بکەت بۆ دروستکرنا دەولەتا کوردستانێ، داخواز ژی ژ تیلەرسۆنی کر ئەمریکا نەچیتە بەرەیێ تورکیا و ئیرانێ و ل دژی دەولەتا کوردستانێ نەراوەستیت.
نامەیا وان کۆنگرێسمانان بۆ تیلەرسۆنی ھاتە ھنارتن، پشتی وەزارەتا دەرڤەیا ئەمریکا ل حەفتییا بۆری د بەیانەکێ دا راگەھاندی؛ دانپێدانێ ب رێفراندۆما سەرخوەبوونا کوردستانێ و ئەنجامێن وێ ناکەن، پشتەڤانییا خوە ژی بۆ ئێکپارچەیا ئیراقێ دیار کر بوو.
تُتاح هذه الصورة أيضا في: کوردی