بریارێن بەغدا چارەسەرکرنا دەروونی یا کچێن رزگاربوویێن ئێزدی ژدەرڤەی وەلاتی راوەستاند
باسنيوز:
رێڤەبەرێ نڤیسینگەھا رزگارکرنا رەڤاندیێن کوردێن ئێزدی دیارکرکو بریارێن بەغدا یێن دژی ھەرێما کوردستانێ ھاتینە دان بوونە ئەگەر کچێن رزگاربوویێن ئێزدی بھێنە بیێ بەھرکرن ژ چارەسەریا دەروونی وجەستەیێ ژ نەخۆشخانێن دەرڤەی وەلاتی.
حوسێن قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی بۆ (باسنیوز) دیارکر: “ئەو کچێن وزارۆکێن ئێزدی یێن ژ دەستێن تیرۆرستێن داعش ھاتنە رزگارکرن ل گۆر بەرنامەکێ ب پشتەڤانیا حکومەتا ھەرێما کوردستانێ بۆ دەرڤەی وەلاتی دھاتنە رەوانەکرن پێخەمەت وەرگرتنا چارەسەریا دەروونی و جەستەیێ ونوکە گەلەک نەساخێن مە ھەنە ئەم نەشێن ژ بەر بریارێن بەغدا یێن دژی خەلکێ کوردستانێ ھاتینە دان وان کچ وزارۆکان رەوانەی چارەسەری بکەن ژ دەرڤەی وەلاتی”.
خۆیا ژی کر: “پشتەڤانیا ھەرێمێ بەرنامەک ھاتبوو دانابوو ئەو کچ و ژن و زارۆک ژ دەستێن تیرۆرستان ھاتنە رزگارکرن مە رەوانەی ژ دەرڤەی وەلاتی کرن بۆ وەرگرتنا چارەسەری لێ بەغدا بوو ئەگەر ئەو بەرنامێ مرۆڤایەتی بھێتە تێکدان ھەتا 3145 کچ وژن و زارۆکێن ئێزدی ژ دەستێن تیرۆرستێن داعش رزگاربووینە”.
تُتاح هذه الصورة أيضا في: کوردی