نەبوونا پەرتۆكان كاریگەری كریە سەر خووندنا قوتابیان
جوان بەرواری 
ئەگەر بنێرین دێ بینین كو زانست پێگەهەكێ مەزنە ژبۆ ئاڤاكرنا هەرتاكەكێ و دبتە ئێك ژ فاكتەرێن هەری گرنگ ژبۆ نرخاندنا سەركەفتنا مللەتی، هندیكە خووندنە ئەو كاراكتەرە ژبۆ بلندكرنا ئەقلێ هەر تاكەكێ كو خۆ ب رەوشەنبیر دزانت، لەورا ژی گرنگیا بێتە دیتن ئەوە كو تاك لسەر بنگەهێ هزرا زانستی بێتە ئاڤاكرن، ژبەر ڤێ یەكێ ژی ئیرۆ كۆمەلگەها مە پێتڤی ب وێ یەكێ هەیە بەرەڤ قۆناغێن باشتر بچت و ئەڤ تاكە بێتە ئاڤاكرن لسەر پێگەهەكێ زانستی، چنكو ئەگەر ئەم بنێرین پێگەهێ هزرا تاكی ل وەلاتێن بیانی هەموو لسەر تەیوورێ زانستی هاتە ئاڤاكرن ، ئەڤێ یەكێ ژی هێزا دەولەتێ خورتكر، لەورا زانست بوو بنگەهێ سەرەكی ل وەلاتێن بیانی.
لێ مخابن ئەگەر ئیرۆ ل رۆژهەلاتا ناڤین بنێرین دێ بینن كو هزرا تاكێ كورد هەموو لسەر پێگەهێ مادی هاتە ئاڤاكرن و زانست بوو تەڤنەكێ پشت گوه هاڤێتی، ئەڤێ یەكێ ژی كاریگەری كرە سەر هەموو تەخ و چینێن جڤاكی ژ ئالیەكێ دی باندۆرا جڤاك ، كلتوور، ئەشیر و…هتد”،جیێ خۆ دناڤ هزرا تاكی دە دا زەفتكرن لێ تشتێ گرنگ ئەوە ئەم ئیرۆیا خۆ سەرەراست بكەین و ل پاشەرۆژا دیروۆكا خۆ بنێرین، بزانین دێ چاوان وێ دیرۆكێ ڤاڤارێن و تاكێ خۆ ئاڤاكەین،لەورا من دڤێت ئەوا هاتیە هەڤبەركرن لسەر زانستێ قوتابی هندەكێ بدەم زانینن: ئەڤ سال ژی وەكو هەر سال زەنگا سالانوو یا خووندنێ دەستپێكر و نەبوونا پەرتۆكان و پێتڤیاتیان كاریگەری یا كریە سەر خووندنا قوتابیان، لێ گرنگیا ڤێ یەكێ ئەوە پێگیركرنا زانستێ خووندكاری دێ د چ ئاست دا بت ئەڤە ژی دزڤرتە وێ یەكێ كو خووندگەه ببنە دەرگەهێن ئاڤاكرنا قوتابی نەخاسمە دكاودانەك هۆسان دە،ئیرو گەلێ كورد بوویە هەڤدەنگێ هەموو جیهانێ و لسەر مژارو پێگەهێ دەولەتا كوردی رۆژانە پرانیا جڤین و گەنگەشە و بریارێن هەمەلایەن دئێن گۆتن مژارەكرن لسەر ڤێ پرسێ ، لەورا گرنگە گەلێ كورد هەموو هێزا خۆ بكاربینت ژبۆ دامەزراندنا تاكەكێ ب بەرهەم و زانا رەوشەنبیر،چنكو ئەڤ پرۆسسە بوویە جیێ خووندنێن گرنگ بۆ تەڤ تاكێ كورد هەرچار پارچێن كوردستانێ.
دیسان خالا كو ئەم ب گرنگیا خۆ دزانین ئەوە رۆژ بۆ رۆژێ رەوشا گەلێ كورد بەر ب ئالۆزی كێشەیان ڤە دچە، رەنگە دۆم درێژكرنا قەیرانا بوویە ئێك ژ كێشەیێن هەرە سەرەكی دناڤ جڤاكی دە و ئەڤ چەندە ژی بوویە جیێ گرانكرنا بارێ ئابووریێ خێزانا ب گشتی، لەورا ژی رەوشا قوتابیان گرانتربوویە، چنكو بەشەك ژ دابینكرنا پێتڤێن وان هاتینە ژناڤبرن ئەڤێ یەكێ ژی ئاستێ قوتابی بەرەڤ لاوازیێ ڤە بریە، دیارە پرۆسسا خووندنێ بەرەڤ لاوازیێ ڤە دچت هەم ژ ئالیێ مامۆستایان هەم ژ ئالیێ خووندكاران ڤە، رەنگە ئەڤە ژی كارتێكرنا هەری مەزن دكەتە سەر زانستێ قوتابی و كۆمەلگەهێ،ژبەر ڤێ چەندێ ژی دڤان سالێن بۆری دە دبت هاندانا قوتابی بۆ ئاستێ خووندنێ لاواز بوویە ژلایێ مادی و مەعنەوی ڤە ژبەر بارێ دارایی پرانیا قوتابیان شیانێن خووندنێ نینن و گرنگی ب پرۆسسا فێركرنێ بدەن،چنكو پێتڤیە پێتڤیاتێن وان یێت خووندنێ بێنە چارەسەكرن سەرەرای وێ یەكێ ژی دبت وەزارەتا پەروەردێ ژبۆ دامەزراندنا مامۆستایێن ئەكتیڤ و بەلاڤكرنا هەموو جۆرێن پێتڤیاتیان لسەر قوتابخانان كێم تەرخەمیا خۆ هەبت، لەورا ژی پرسگرێكێن سیستەمێن پەروەردێ بووینە جیێ دلگرانیا قوتابیان ،خێزان و جڤاكی ب گشتی.
ئەگەر بنێرین ژ ئالیەكێ دن ڤە بایكۆتكرنا مامۆستایان ل سلێمانیێ و هەولێر و باژێرێن دەوروبەر ژبەر نەبوونا مووچان یا بەردەوامە، دیارە هەتا رادەیەكی ئەڤ چەندە بوویە جیێ دابرنا بەشەكێ چارەسەركرنا ڤان پرسگرێكان، لێ ژ ئالیەكێ دن ڤە كاریگەریا زانستی لسەر ئاستێ قوتابی دێ بەرەڤ نەمانێ چت، لەورا گەرەكە سیستەمێن پەروەردێ و حكومەتا هەرێمێ رابت ب دامەزراندنا چەندین پەیرو پرۆگرامێن نووخواز ژبۆ ئاڤاكرنا ئاستێ قوتابی و دابینكرنا هەموو پێتڤیاتێن خووندنگەهان ب تایبەت پەرتۆكان ،داكو ئەڤ سالە خووندن ب ئاوایەكێ سەركەفتیانە ب رێڤە بچت.
تُتاح هذه الصورة أيضا في: کوردی