دیلۆن: چوونا ھێزێن ئەمریکی بۆ کەرکووکێ رێگرتنە ل دوبەرەکییان
WAAR-دهۆک:
ھەڤپەیمانییا ناڤدەولەتی یا دژی داعشێ ئارمانجا گەھشتنا ب سەدان سەربازێن ئەمریکی بۆ دەردۆرا کەرکووکێ ئاشکرا و راگەھاند؛ بەلاڤەکرنا وان سەربازان بەرھەڤییە بۆ قۆناغا بھێت و رێگرتنە ل دوبەرەکییان ل ناڤا سنۆرێ پارێزگەھا کەرکووکێ و دەڤەردارییا تۆزخورماتوو.
عەقید رایان دیلۆن، پەیڤدارێ ھەڤپەیمانییا ناڤدەولەتی یا شەرێ دژی داعشێ راگەھاند؛ چوونا ھێزێن ئەمریکی دچارچووڤێ ھەڤپەیمانییا ناڤدەولەتی بۆ بنگەھێ کەیوان ل کەرکووکێ، ب ھەماھەنگییا ھێزێن ئیراقی بوو و دوپات کر؛ دێ ھێزێن خوە ل ھەموو دەڤەرێن ئیراقێ بەلاڤە کەن.
دیلۆن ئاشکرا کر؛ گەھشتنا وان سەربازان بۆ کەرکووکێ، بەرھەڤییەکە بۆ قۆناغا بھێت و بۆ رێگرتنێ یە ل چێبوونا دوبەرەکییان ل پارێزگەھا کەرکووکێ و باژارێ تۆزخورماتوو.
تُتاح هذه الصورة أيضا في: کوردی