رێكخراوەكا توركی هاریكاریا ئاوارەیێن دەڤەرا زمار دكت
تۆرا لالش یا راگەهاندنێ/خالد خدر 
ب مەرەما هاریكاریكرنا ئاوارەیێن دەڤەرا زمار یێن ژبەر هێرشێن حەشدا شەعبی یێن لڤێ داویێ لسەر هەرێما كوردستانێ،رێكخراوا (IBC mavi hilal ) یا توركی هاریكاریا ئەرزاقی و كەلوپەلێن خوارنێ لسەر( 150) خێزانێن ئاوارەیێن دەڤەرا زمار وخێزانێن شەهیدێن شەرێ داعش بەلاڤكرن ل سنوورێ ناحیا رزگاری.
حسێن سلێمان گۆیی،رێكخەرێ رێكخراوا (IBC mavi hilal) یا توركی بۆ تۆرا لالش یا راگەهاندنێ دیاركر:” ب مەرەما باشتركرنا رەوشا ئاوارەیان ئەڤە ماوەیێ پتری سێ سالایە ئەم وەكو رێكخراوا (IBC mavi hilal)ل سنوورێ پارێزگەها دهۆكێ هاریكاریێن ئازووقەی و كەلوپەلێن خوارنێ لسەر خێزانێن ئاوارەیێن شنگالێ ودەشتا نەینەوا بەلاڤ دكن،هەر زێدەباری ئاوارەیان ئەم هاریكاریا خێزانێن شەهیدێن شەرێ داعش ژی دكەین”.
زێدەتر گۆت:”ل گەلەك دەڤەرێن ئاوارە لێ دئاكنجی ژئالیێ رێكخراوا مە ڤە هاریكاری وەرگرتینە و ئەم دێ دبەردوەوام بن ژبۆ بەلاڤكرنا ڤان جۆرە هاریكاریان لسەر خەلكێ خۆ یێ ئاوارەبوویی وئەم دێ هەولدەن هەر دەڤەرەكا ئاوارە لێ دژین كو هاریكاری و كەلوپەل ژئالیێ رێكخراوا مە ڤە بگەهنە وان”.
تُتاح هذه الصورة أيضا في: کوردی