كچەكا فۆتوگرافەر ئازارێن ئێزدیان دگەهینتە وەلاتێ لیتوانیا
تۆرا لالش یا راگەهاندنێ
كچا فۆتوگرافەر(زینا سالم)نهۆ قوتابیە ل زانكۆیا لیتوانیا دبوارێ فۆتوگرافی دا دخوونت،ژبۆ گەهاندنا ئێش و ئازار و ناسینا ئۆلا ئێزدیان بۆ وی وەلاتی.
فۆتوگرافەر(زینا سالم) خەلكا قەزا شنگالێ یە و نهۆ ل كەمپا خانكێ دژیت،دكورتە دیدارەكێ دا بۆ رۆژناما دەنگێ لالش دبێژت:پشتی خۆلەكا فۆتوگرافی ژلایێ رێكخراوا یونسێف و وەلاتێ ئیتالیا و حكومەتا هەرێما كوردستانێ ڤە بۆ(10)كچێن ئێزدی ل كەمپا خانكێ هاتیە ڤەكرن،ئێك ژ وان كچان بووم ب چەند وێنەیێن ئاوارا پشكداری هندەك خۆلان لسەرئاستێ جیهانێ و عێراقێ و كوردستانێ كر،هەروەسان چیرۆكا وێنەكی لسەر رەوشا چیایێ شنگالێ و زارۆكێن ل سەردەشتێ و لسەر جەژنا سەرێ سالێ پێنج جاران ل عێراقێ و دوو جاران ل باژێرێ سلێمانیێ و دوو جارا ل هەولێر و دهۆكێ ب ئامادەبوونا كەسانێن پلە بلند هاتنە نیشاندان،زێدەباری دوو پێشانگەها ل وەلاتێ ئیتالیا و دوویا ل وەلاتێ لیتوانیا،دیسان نهۆ قوتابی مە ل زانكۆیا لیتوانیا دبوارێ فۆتوگرافی دا دخوونم،ژبۆ گەهاندنا ئێش و ئازار و ناسینا ئۆلا ئێزدیان بۆ وی وەلاتی.
ل داویێ گۆت:وێنەیەكێ وێ بناڤێ ژیان ل كەمپا خانكێ و جەژنا سەرێ سالا ئێزدیان دپێشانگەهەكێ دا ل وەلاتێ ئیتالیا ب ئامادەبوونا كەسایەتیێن مەزن ژ حكومەتا ئیتالیا هاتینە نیشاندان.
تُتاح هذه الصورة أيضا في: کوردی