یونسێف:ل تەوارا زارۆیێن عێراقێ هەرن
ئەڤرۆ نیوز:
رێكخراوا نەتەوێن ئێكگرتی ئاشكرا كر،کو زارۆک نیڤا ئاوارێن عێراقێ پێكدئینن،ژ سەرجەمێ هژمارا ئاواران كو دگەهیتە 2.6 ملیۆن كەسان،ژ ئەنجامێ سێ سالێن بەردەوام یێن شەر و توندوتیژیێ،ب ئەگەرێ هاتنا تیرۆریستێن داعش ئاوارە بووینە.
هەرچەندە ل هەیڤا بوری حوکمەتا عێراقێ سەركەفتن ب سەر داعشێ و كۆنترۆلكرنا تەماما دەڤەرێن د دەستێ تیرۆریستان دا راگەهاندیە، بەلێ بۆردومان و هێرشێن بەردەوام، بابەتێ چوونا ئاواران و ئاڤەدانكرنا دەڤەرێن وان ب تەمامی قورس كریە.
پیتەر هۆكینز مەزنە نوونەرێ رێكخراوا یونسێف ل عێراقێ راگەهاندیە،کو ژ ئەنجامێ شەری و ململانەیان و نەبوونا وەبەرهێنانێ،د ماوێ چار سالێن بوری و هەژاریێ دا، نێزیكی چار ملیۆن زارۆیێن عێراقێ پێدڤی ب پشتیەڤانیێ و خزمەتکاریێن بلەز هەیە ل هەموو دەڤەرێن عێراقێ.
هەروەسا ئاماژە دایە هندێ کو 1.3 ملیۆن زارۆک دناڤا 2.6 ملیۆن ئاوارەیاندا هەنە،ئانکو نیڤا رێژەیا ئاواران زارۆکن،کو ژ ئەنجامێ شەری ل دەڤەرێن جۆدا ئاوارە بووینە.
گێرت كابیلیری رێڤەبەرێ هەرێمی ل رێكخراوا یونسێف گوتیە، هەر چەندە شەر ل عێراقێ ب دوماهی هاتیە، بەلێ هەتا نوکە توندوتیژی ل دەڤەرێن عێراقێ بەردەوامی هەیە،دیسا د ماوێ حەفتا بوریدا سێ تەقینان بەغدا هەژاندیە.
تُتاح هذه الصورة أيضا في: کوردی