فۆرن پۆلسی: گرۆپهكێ مالباتا تالهبانی كهركووك رادهستی ئیراقێ كر
WAAR-دهۆک:
كۆڤارا فۆرن پۆلسی یا ئهمریكی د راپۆرتهكا خوه دا بهلاڤكر، گرۆپهكێ مالباتا تالهبانی كهركووك رادهستی سوپایێ ئیراقی كر و ئهمریكا ژی بهر ڤێ یهكێ چ دهستوهردان نه كرن.
وێ كۆڤارێ ئاماژهكرییه كو ل دهمێ هێرشا ئیراقێ ل سهر كهركووكێ، ئهمریكا چ دهستوهردان و كارڤهدان نهبوون ژبهركو پێشوهخت دزانی گرۆپهكێ دناڤا ئێكهتیێ دا كو ژ مالباتا تالهبانی بوون رێككهفتن دگهل حكومهتا ئیراقێ كربوو و كهركووك رادهستی سوپایێ ئیراقی كر.
دا یه زانین ژی: بارزانی هێشتا یێ رژده ل سهر دروستكرنا وهلاتهكێ سهربهخوه و ب دیتنا حزبا وی گهر سلێمانیێ وهلاتهكێ سهربهخوه نهڤێت، دێ ل ههولێر و دهۆك و دهڤهرێن كوردستانی یێن سهر ب مووسلێ ڤه، دهولهتا كوردستانێ هێت راگههاندن.
دیار ژی كرییه، باشترین رێ كو كورد بۆ گههشتنێ ب دهولهتا سهربهخوه بگرنه بهر، پاراستن و رێكخستنا ناڤخوهیا كوردستانی یه و ئهڤه ژی دێ ب دامهزراندنا وان سازییان هێت كو بهردهوام پشتهڤانێن وهلاتهكێ سهربهخوه نه.
تُتاح هذه الصورة أيضا في: کوردی