هۆلەكا بیرەوەریا ل گوندێ سرێچكا هاتە ڤەكرن
تۆرا لالش یا راگەهاندنێ
درێورەسمەكێ دا،هۆلەكەكا بیرەوەریان ل گوندێ سرێچكا هاتە ڤەكرن و كەفتە دخزمەتا جڤاكی و ئایینی یا خەلكێ دەڤەرێ دا.
ئیرۆ رۆژا ئینیێ 26/1/2018،ب ئامادەبوونا”حازم تەحسین بەگ”بریكارێ میرێ ئێزدیا ونوونەرێ بابە شێَخ و “شێخ شامۆ” سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ و”سەربەست دوالی ئاغا” و ریهسپی و كەسایەتیێن دەڤەرێ و دام ودەزگەهێن حزبی و حكومی،هۆلا بیرەوەریا ل گوندێ سرێچكا هاتە ڤەكرن كو ژبال خێرخواز”سوبحی بیبۆ خودێدا” ڤە هاتیە دروستكرن.
ل دەستپێكی ئامادەبوویی خۆلەكەكێ سەكنین وەك رێزگرتن بۆ گیانێ جانگۆریێن كوردستانێ، پاش پەیڤا بخێرهاتنێ هاتە پێشكێشكرن و لدووڤ دا قەول بێژ”خەواجە خەتاری”زەلامێ ئایینی چەند قەول و سەبەقێن ئایینی رێزكرن و پەسنا خێرخوازی و خزمەت و تفاقێ دئایینێ ئێزدیان دا كر.
ژلایەكێ دی ڤە هەر ئێك ژ بەرێزان”حازم تەحسین بەگ” و”شێخ شامۆ” پەیڤەك پێشكێشكرن و تێدا سوپاسی و پەسنا رۆل و خزمەتا ڤی خێرخوازی كرن بۆ دروستكرنا ڤێ هۆلێ و داخوازا سەركەفتنێ بۆ خواستن و دووپاتكر كو نموونێن وەك ڤی خێرخوازی دناڤ ئێزدیان دا زێدە ببن و هەبن بۆ خزمەتا جڤاكی و ئایینی.
لدووڤ دا رێورەسمێن ڤەكرنا هۆلێ دەستپێكرن و ب فەرمی هاتە ڤەكرن و كەفتە دخزمەتا جڤاكی یا خەلكێ دەڤەرێ دا،پاش هەر بڤێ هەلكەفتێ نانخوارنەك بۆ ئامادەبوویان هات بەرهەڤكرن.
ل داویێ ژی هەمبەر ڤی كارێ پیرۆز بەرێز”شێخ شامۆ”ئارمێ بنگەهێ لالش پێشكێشی خێرخواز”سوبحی بیبۆ خودێدا” كر و خەلاتكر.
تُتاح هذه الصورة أيضا في: کوردی