پەرتۆكخانەك ل كەمپا شاریا هاتە ڤەكرن
تۆرا لالش یا راگەهاندنێ
لژێر درووشمێ (خووندن ل دەمێ ئاوارەبوونێ دا) ژبۆ پشتەڤانیا گەنجان،پەرتۆكخانەك ل كەمپا شاریا یا ئاوارەیان هاتە ڤەكرن.
سەرپەرشتێ پەرتۆكخانێ(ناجی حەجی)بۆ رۆژناما دەنگێ لالش خویاكر،ئەڤ پەرتۆكخانە ژلایێ دەزگەهێ شنگال یێ گەشەپێدانا مرۆڤایەتی ڤە هاتیە ڤەكرن و نێزیكی دوو هەزار پەرتۆكان ب زمانێن كوردی و ئەرەبی و ئنگلیزی پێك دئێت،پتریا خووندەڤانا گەنج و قوتابیێن زانكۆیێ نە و كارن تێدا بخوونن و و ببەن بۆ دەمێ هەفت رۆژان بێ بەرامبەر ،هەفتیانە نێزیكی(100) پەرتۆكان دئێنە برن،ئارمانج ژێ پشتەڤانیكرنا گەنجانە بۆ گرنگیدان ب خووندنێ و دەمێ خۆ یێ ڤالا ب تشتەكێ مفادار بۆرینن.
ناجی گۆتژی پشتەڤانیا پەرتۆكخانێ دئێتە كرن ژئالیێ دەزگەهێ شنگال و چەندین نڤیسەران ڤە،داكو خووندەڤانێن مە مفایی ژێ وەرگرن،كو ب ئێكەمین پەرتۆكخانە دئێتە دانان ل سەرانسەری كەمپێن ئاوارەیان ل سنوورێ پارێزگەها دهۆكێ.
تُتاح هذه الصورة أيضا في: کوردی