جەعفەری: هێرشا تورکیا ل سەر عەفرینێ زێدەگاڤی یە
WAAR-دهۆك:
وەزارەتا دەرڤە یا ئیراقێ داخویانییەک ل دۆر هێرشا سەر عەفرینێ بەلاڤ کر و راگەهاند: ئۆپەراسیۆنا سوپایێ تورکیا ل سووریێ زێدەگاڤییە و ناهێت قەبوولکرن.
وەزارەتا دەرڤە یا ئیراقێ د داخویانییەکێ دا ژ زارێ ئیبراهیم جەعفەری، وەزیرێ دەرڤە یێ ئیراقێ راگەهاند: بەغدا هێرشا سەر عەفرینا رۆژئاڤایێ کوردستانێ ژ ئالیێ سوپایێ تورکیا ب پشتەڤانییا هێزێن ئۆپۆزسیۆنا سووری ڤە قەبوول ناکەت و دەستوەردانا ئەنقەرەیێ ل سووریێ ب گشتی ژی رەد دکەت.
گۆت ژی: هەر چەندە ئیراق دخوازیت پەیوەندیێن خوە ل گەل هەڤسوویا خوە یا تورکیا بپارێزیت، لێ مایتێکرنا هەر وەلاتەکی ل سووریێ یان وەلاتەکی دی زێدەگاڤییە و ناهێت قەبوولکرن.
تُتاح هذه الصورة أيضا في: کوردی