بەغدا فشارێ لسەر فەرمانبەرێن شنگال دروست دكت دبن دەستێ حەشدا شەعبی دا دەوامێ بكن
باسنيوز:
نوونەرێ خەلكێ شنگال ل جڤاتا نوونەرێن عێراقی دیاركركو حكومەتا عێراقی فشارێ ل سەر فەرمانبەرێن شنگال دروست دكەت بزڤرن ل ئاڤاهیێن خرابكری دا د بن دەستێ حەشدا شەعبی دا دەوامێ بكەن.
ماجد شنگالی، نوونەرێ خەلكێ شنگال ل جڤاتا نوونەرێن عێراقی بۆ(باسنیوز) دیاركر:” ب فەرمی مە داخاز ژ جڤاتا وەزیرێن عێراقی كریە فشارێ ل سەر فەرمانبەرێن شنگال دروست نەكەت چونكو شنگال یا چۆل كری وفەرمانبەر نەشێن بزڤرن بن دەستێ حەشدا شەعبی دا دەوامێ بكەن. داخازێ دكەین چوو فەرمانبەرەك ژبەر فشارێن بەغدا نەزڤرنە شنگال چونكو دێ مەترسی ل سەر گیانێ وان هەبیت ژبەر تەناهی ل دەڤەرا شنگال نینە”.
خویا ژی كر:” ئەم دێ بەردەوام كاركەین رێك نەهێتە دان هیچ فەرمانبەرك ژێر فشارێن بەغدا بزڤرتە شنگال.هەتا تەناهی ل شنگال دروست بیت پاشی فەرمانبەر و خەلكێ شنگال دشێن بزڤرن “.
تُتاح هذه الصورة أيضا في: کوردی