بنگەهێ لالش ل ئەلمانیا دێ سەكنینەكا هەڤگرتنێ دگەل عەفرینێ ئەنجام دەت
تۆرا لالش یا راگەهاندنێ/ئەلمانیا
بنگەهێ لالش ل ئەلمانیا دێ سەكنینەكا هەڤگرتنێ دگەل عەفرینێ ئەنجام دەت،بۆ شەرمەزاركرنا هێرشا توركیا و گرۆپێن تیرۆرستی.
ل رۆژا ئینیێ 16/2/2018 ل ئاڤاهیێ بنگەهێ لالش ل باژێرێ بیلیفیلد و ل دەمژمێر 14:30،بنگەهێ لالش ل ئەلمانیا دێ رابت ب ئەنجام دانا سەكنینەكا هەڤگرتنێ دگەل عەفرینێ بۆ شەرمەزاركرنا هێرشا توركیا و گرۆپێن تیرۆرستی بۆ سەر وەلاتیێن بێ گونەهـ ل عەفرینێ و گوندێن گرێدایێ باژێری،هەڤدەم جڤاكێ نێڤ دەولەتی یێ بێ دەنگە هەمبەر وان كوشتار و تاوانان یێن دئێنە ئەنجام دان دەرهەقێ كوردستانیان بێ كو شەرمەزار بكن و هەلویستەكێ بەرچاڤ هەبت دژی هێرشا توركیا لسەر رۆژئاڤایێ كوردستانێ.
دڤێ سەكنینێ دا رەڤەندا كورد و كۆمەكا رێكخراوێن جڤاكێ سڤیل و نوونەرێن پارت و كەسایەتیێن سیاسی دێ پشكداریێ كن.
ئەڤ چالاكى پێك دئێت ژ كۆمەكا چالاكیان ژوان پێشكێشكرنا پەیڤان ژبال رێكخراوان و شاندان و نوونەرێن پارتان،دگەل كورەكێ هۆزان خووندنێ ژبال كۆمەكا هۆزانڤانان بۆ پشتەڤانیا بەرخودانا عەفرینێ و خەلكێ وێ.
تُتاح هذه الصورة أيضا في: کوردی