بالانسا ئاسایش و ئارامییا هەرێمێ ئێزدیان پاراستی یە!!
شیــــــلان عبــــدالمـناف
هەلبەت پاراستنا تەناهی و ئاسایشا هەڕێما كوردستانێ لسەر شانێن دەزگەهێن ئێمناهیێ ڤە بتنێ نینە ،بەلكو جڤاك ژی وی ئەركی پێتڤیە بگێرت تاكو تەناهی بەرقرار ببت.
دڤی كەتوارێ هەستیارێ نهۆ هەرێم تێدا دەرباز دبت،نەخاسمە ڕووبڕووی چەندین شەر و پلانێن یەك لدووڤ یەكێ دوژمنا دبتن پاراستنا ناڤخۆیی یا هەرێمێ گرنگە،بۆ نموونە:پتریا جاران وەها روودایە كو ولاتیەكی گۆمان ل كەسەكێ كریە یان ترومبێلەكا بیانی گۆمان لێكریە؟ ئێكسەر وی وەلاتی پەیوەندی ب جیێن پەیوەندیدار و ئاسایشێ كریە؟ پشتی كەسێ گۆمان لسەر هاتیە دەستەسەركرن،دانپێدان كریە كو ئەو تیرۆرست بوەیە،ئەڤجا هەژی گۆتنێ كو پشكەكا مەزن یا وێ ئارامی یا ناڤخۆیی ئێزدیان بالانسا وێ ئاسایش و ئێمناهیێ ل هەرێمێ پاراستی یە ،ب ئەركەكێ نیشتمانی مل ب ملێ دەزگەهێن ئێمناهیێ هاریكارن بۆ راگرتنا ئارامیێ و ئاشتیێ ..هتد. بۆچی ئێزدیان؟،چنكو ب سەدان ئێزدی ئاوارەنە و دناڤا كەمپان دا بێ مووچە و كاڕەب، ئاڤ ،و كارن…ودیسان بێ خزمەتكاریێن پێتڤیێن ژیانێ نە،لێ سەر وێ یەكێ را پشتەڤان و هاریكارن هەستا بەرپرسیارەتیێ لجەم وان هەیە ئاشتیخوازن،و ناخازن ئاژاوە و نەئارامی وناكۆكی دروست ببت دناڤبەرا پێكهاتە و تەخ و چینێن جڤاكی دا.
بێگۆمان ئارامی و ئاسایش ئەگەر بەرقراربوو ئێدی دێ مال ومولكێ وەلاتیان ژی یێ پاراستی بت و هەتا گیانێ وان ژی.
تُتاح هذه الصورة أيضا في: کوردی