پتر ژ چار هەزار خێزانێن ئاوارە ل شاریا داخوازا هاریكاریا دكن
تۆرا لالش یا راگەهاندنێ 
پتر ژ چار هەزار خێزانێن ئاوارە ل دەرڤەی كەمپا شاریا هەنە و دناڤ خیڤەت و كاڤل و مالان دا ل كۆمەلگەهێ ئاكنجینە،ئەو داخوازا هاریكاریان ژلایێ رێكخراوان ڤە دكن و دخوازن وەك ئاوارێن كەمپێ هەیڤانە ئەرزاق بۆ وان بێتە دابینكرن.
بەرپرسێ ئاوارێن دەرڤەی كەمپا شاریا(هشیار شێخ میرزۆ)بۆ رۆژناما دەنگێ لالش ئاشكەراكر،چار هەزار و (500 بۆ700)خێزانان ل دەرڤەی كەمپا شاریا ل ناڤ كۆمەلگەهێ و گوندێن دەوروبەرێن كۆمەلگەهێ دخیڤەت و كاڤل و مالان دا ئاكنجینە،نهۆ رێكخراوێن مرۆڤی وەكی بەرێ سەرەدانا ڤان ئاواران ناكن و بێ بەهربووینە ژ هاریكاریان و ب تایبەت ئاهێن خوارنێ،ئەو دخوازن وەك ئاوارێن كەمپێ هەیڤانە بۆ هەر كەسەكی (20)هەزار دینارا وەرگرن ب رێیا سیمكارتا و هەیڤانە ئەرزاق بۆ وان بێتە دابینكرن و هاریكاری ژلایێ رێكخراوێن مرۆڤی لسەر بێنە بەلاڤكرن،چنكو قەیرانە و كار یێ كێمە و پێتڤی نە و گۆت:((سەرەدانێن رێكخراوا كێم بووینە و بەری دوو هەیڤان رێڤەبەریا كۆچ و كۆچبەران دگەل دەزگەهێ خێرخوازیێ بارزانی هندەك كارتۆنێن ئاهێن خوارنێ ئینان و سەر نیڤا وان دا بەلاڤكرن و نیڤا دی مان)).
ئەو چەندە ژی خویاكر،دخوازم جیێن شۆلەژێ پتر بەرێ رێكخراوان بدەنە ناڤ ئاوارێن ژ دەرڤەی كەمپێ،ژبەركو قەیرانە و بێكارن و ئەو پێتڤی ب هاریكاریانە.
تُتاح هذه الصورة أيضا في: کوردی