ئاوارێن كەمپا ئێسیا داخوازا باشكرنا كارەبا نشتیمانی دكن
تۆرا لالش یا راگەهاندنێ 
ئاوارێن كەمپا ئێسیا ئاماژێ ب وێ چەندێ ددەن كو رەوشا كارەبا نشتیمانی نە یا باشە و هندەك جارا ژ (24) دەمژمێرا بتنێ چار دەمژمێرا دئێت،ئەو داخواز دكن خشتەیەكی دیاركری یێ كارەبێ وەك كەمپێن دی بێتە دانان و باشتر ببت.
دڤی واری دا(عالیە عەلی) ئێك ژ ئاوارێن كەمپێ یە خویاكر،ئەڤە ماوێ نێزیكی چار سالایە لڤێ كەمپێ دژیم هەتا نهۆ رەوشا كارەبا كەمپێ باش نەبوویە و داخوازا مە ئەوە باشتر ببت،ژبەركو ئەم گەلەك پێتڤی كارەبێ نە ب تایبەت بۆ رێڤەبرنا كاروباران.
ژلایەكی دی ڤە(ناسر شەهوانی)ئاوارەیەكی كەمپێ یە دبێژت:ل ناڤ كەمپان دا بێ كارەب ژیان گەلەك ب زەحمەتە و نهۆ ل كەمپا مە رەوشا كارەبا نشتیمانی گەلەك نە یا باشە،هندەك جارا ژ (24) دەمژمێرا بتنێ چار دەمژمێرا دئێت و خەلكێ بەردەوام پێتڤی یا پێ هەی،داخوازا مە ئەوە خشتەیەكی دیاركری یێ كارەبێ وەك كەمپێن دی لڤێدەرێ ژێ بێتە دانان داكو ئەم ژی دەمێ دیاركری بزانین و مفایەكی ژێ وەرگرین.
لگۆر گۆتنا ڤان ئاواران وان چەند جاران داخوازی ژ رێڤەبەریا كەمپێ و چەند جیێن فەرمی كریە كو رەوشا كارەبێ بۆ وان باشتر لێ بكن،لێ هێشتا وەك خۆ مایە.
تُتاح هذه الصورة أيضا في: کوردی