فرۆكخانهیێن كوردستانێ هاتنه ڤهكرن
WAAR-دهۆك:
فرۆكخانهیێن ههرێما كوردستانێ ئهڤرۆ ب فهرمی ل ههمبهری گهشتێن نێڤدهولهتی هاتنه ڤهكرن، پشتی بۆ دهما شهش مههان ب بریارا حكومهتا ئیراقێ هاتینه قهدهغهكرن.
د پرێس كۆنفرانسهكێ ههڤپشك دا ل فرۆكخانهیا ههولێرێ، قاسم ئهعرهجی وهزیرێ ناڤخوه یێ ئیراقێ و كهریم شنگالی وهزیرێ ناڤخوه یێ ههرێمێ، ڤهكرنا فرۆكخانهیێن ههرێمێ ل ههمبهری گهشتێن نێڤدهولهتی راگههاند و ل گۆرهیی خشتهیێ وهزارهتا ڤهگوهاستنا ئیراقێ، ههر ژ ئهڤرۆ دێ فرۆكخانه هێنه ڤهكرن و گهشتێن نێڤدهولهتی دهستپێكهن.
ل داوییا مهها ئیلۆنا پار سال، حهیدهر عهبادی سهرۆكوهزیرێ ئیراقێ، بریارا داخستنا فرۆكخانهیێن ههرێمێ دا و دوهی ژی عهبادی بریارا ڤهكرنا فرۆكخانهیان دا.
تُتاح هذه الصورة أيضا في: کوردی