عەفرین.. شەر و پەڤچوون ل پرانییا بەرەیان دژوارتر بوون
WAAR-دهۆك:
ھێڕشێن عەفرینێ ئەڤرۆ ل پرانییا بەرەیان د بەردەوامن ، شەرۆ پەڤچون و تۆبباران ل ناڤچەیێن گرێدای عەفرین دژوارتر بووینە و یەپەگێ ژی ژناڤبرنا دو ترۆمبێل و تانکەکا سوپایی تورکیا راگەھاند.
ل گۆر ئاگاھیێن نێزیک ژ یەپەگێ، د بەردەوامییا ھێڕشێن تورکیا لسەر عەفرینێ کو بو دەما 54 رۆژانە د بەردەوام ھەر ژ شڤێدی تا نھا شەرۆ پەڤچون و دناڤبەرا یەپەگێ و سەربازێن تورک و چەکدارێن سەر ب وێ ڤە د بەردەوامن و فرۆکەیێن تورکیا ژی ب بەردەوامی بۆمبەبارانا پارنییا ناڤچەیێن عەفرینێ دکەن.
دایە زانین ژی، ل گۆندێ باسلێ یێ گرێدای ناڤچەداریا شێراوا شەرڤانێن یەپەگێ د شەر و پەڤچوونان دا تانکەک ھەروەسا زریپۆشەک و تۆبھاڤێژەکا سوپایێ تورکیا ژناڤبرینە و ھەژمارەکا سەرباز و چەکداران ژی کوشتی و بریندار کرینە.
دیار ژی کریە، د نھا دا ل گۆندێ قرە کولێ، ل ناڤچەدارییا بلبلێ پەڤچوونێن دژوار ھەنە و فرۆکەیێن تورکیا ژی،گۆندەوارێن بلبلێ و گۆندێن باسلێ و سوخونکێ یێن گرێدای ناڤچەدارییا شێراوا و گۆندێ مەیدانکێ یێ گرێدای شەرایێ ھەروەسا گۆندێن کەوکەبی و ماراتا یێن سەر ب عەفرینێ ڤە بۆمبەباران دکەن.
تُتاح هذه الصورة أيضا في: کوردی