گۆرەکی ب کۆم یێ ئێزدیان هاتە دیتن
شنگال-KDP.info-
شارەزا و گرنگیپێدەرەکی کاروبارێن ئێزدیان خویاکر، کو گۆرەکی دی یێ ب کۆمەڵ ل شنگالێ هاتیە دیتن.
داود مراد خەتاری، بۆ ماڵپەرێ فەرمیی یێ پارتی دیموکراتی کوردستان راگەهاند، گۆرەکی دی یێ ب کۆم هاتیە دیتن دناڤبەرا گوندی رزکا و جەدالە یێ دەڤەرا گرعزێرا باشووری شنگالێ.
ناڤهاتی دا زانین، هەیا نها دیار نیە کا ئەڤ گۆرە چەند رووفات تێدانە، و ئەڤ گۆرە ژ ئالیێ هێزێن ئەولەکاریێ ڤە هاتیە دیتن و ئەڤ گۆرە بوو ٧٩ گۆرێن ب کۆم یێن هەتا نها هاتینە دیتن.
ل ٣ـێی ئابا ٢٠١٤ـێ داعشێ هێرشکرە سەر شنگالێ ب هەزاران کەس هاتنە رەڤاندن و ب سەدان کەس کوشتن و کۆمەلکوژی ب سەرێ وی باژاری ئینان و هەیا نها ژی پتری ٣ هەزار کەسان نەهاتینە رزگارکرن.
تُتاح هذه الصورة أيضا في: کوردی