دوماھیک کەرکەدانێ نێر یێ جیھانێ مر
WAAR-دهۆك:
دوماھیک کەرکەدانێ سپی یێ نێر ل جیھانێ مایە ساخ، پشتی تێکچوونا رەوشا وی یا ساخلەمیێ ئەڤرۆ مر و 2 کەرکەدانێن دی یێن مێ ل دووڤ خوە ھێلان.
دوماھیک کەرکەدانێ سپی و نێر ل جیھانێ یێ 45 سالی کو ب ناڤێ سۆدان دھاتە نیاسین ئەڤرۆ ل دەڤەرا ئۆل پیجیتا یا پاراستنا گیانەوەران ل کینیا مر و تنێ 2 کەرکەدانێن دی یێن مێ ل دووڤ خوە ھێلان و نەشیا توخمێ خوە ژ ژناڤچوونێ رزگار بکەت.
چاڤدێرێن دوماھیک کەرکەدانێ باکۆری یێ نێر راگەھاند؛ بتنێ 3 کەرکەدانێن سپی ل جیانێ مابوونە ساخ کو ئێک ژ وان یێ نێر بوو و دوێن دی د مێ بوون، لێ پشتی مرنا کەرکەدانێ نێر ئەڤرۆ ئەو توخمێ گیانەوەران دێ بەرەڤ ژناڤچوونێ چیت.
ڤەکۆلەران چەندین جینێن وی کەرکەدانێ ل دەڤ خوە ھەلگرتینە و ب ھیڤی نە کو ب رێیا وان جینان پرۆسا دوگیانکرنا کەرکەدانێن مێ سەربێخن و وی توخمێ گیانەوەران ژ ژناڤچوونێ رزگار بکەن.
تُتاح هذه الصورة أيضا في: کوردی