بنگەهێ لالش:جەژنا نەورۆزێ دێ چرایەك بت بۆ رێیا ئازادیێ بۆ گەلێ كوردستانێ
ب هەلكەفتا هاتنا جەژنا نەورۆزێ یا نشتیمانی و نەتەوی،جوانترین پیرۆزباهیان پێشكێشی گەلێ كوردستانێ و سەركردایەتیا وێ یا حەكیمانە و سەروەرێ وان سەرۆك مەسعوود بارزانی دكەین،هەروەسا پیرۆزباهیێن گەرم ئاراستەی پێشمەرگێن قارەمان و گیانێ جانگۆریا و خێزانێن وان یێن ئازیز دكەین،دووپات دكەین ئەگەر نە ژ وێ قوربانیدانێ با مە ئازادی و ئارامی و تەناهی نەدبوو.
و جەژنا نەورۆزێ ئیسالە دەرباز دبت و دەڤەرا هەرێمی ململانێیان بخۆ ڤە دبینت كو دبت دەستكەفتێن دیرۆكی یێن چارەنڤیسێ هندەك گەل و نەتەوان ب دەست ڤە بێنژ ئەگەرێ ڤان ململانان،هەروەسا قەیرانا دارایی یا هەرێما كوردستانێ دنالت ئەگەرێن وێ دیارن ژ وانا فشارا سیاسی ژبال حكوومەتا فیدرالا عێراقێ ڤە بۆ ب دەست خستنا دەستكەفتان لسەر كەیسێ مافێ گەلێ مە یێ كوردستانێ.
تەنها ئەم دووپات دكەین بۆ هەر ئێكی بزاڤێ دكت ئیرادەیا گەلێ كوردستانێ تاقی بكت كو د دەستێ گەلێ مە دا بەلگەنامەكا مێژوویی هەیە،پێكهاتیە ژ ئەنجامێن ریفراندۆمێ لسەر مافێ بریاردانێ یێ چارەنڤیساز،كو هاتە ئەنجام دان لدووڤ پیڤەرێن دیموكراسی یا جیهانی،بەلێ هەولێن هەرێمی و بەرژەوەندێن هندەك وەلاتان ڤیان روودانان ب دەرفەت ببینن رێگریێ بكەن و مافێ بریاردانێ لسەر چارەنڤیسی ئەوێ بەلگەنامە و پەیمانێن نێڤ دەولەتی بریار لسەر دایی تایبەت دڤی دەربارەی دا،بەلێ ریفراندۆم دێ مینت وێستگەهەكا مێژوویی یا دیار دكاروانێ گەلێ مە دا بەرەف ب دەست ڤە ئینانا هیڤیێن وی یێن شەرعی جوداتر ژ گەل و نەتەوێن دی.
ئەم باش دبینن كو كاروانێ گەلێ مە یێ كوردستانێ ئاستەنگی ل پێشیێ نە،بەلێ لژێر سەركردایەتیا سەرۆك مەسعوود بارزانی و پەیرەوێ وی یێ حەكیمانە و وێرەكانە،و ب دبلوماسیا باش یا بەرێز نێچیرڤان بارزانی سەرۆكێ حكوومەتا هەرێمێ،كو گەهشتنا کنارێ ئارامیێ دوور نابت هندی ئاستەنگی مەزن ببن.
هەموو نەورۆز و گەلێ مە یێ كوردستانێ ب ئارامی و ئێمناهی و تەناهی بژیت.
هەموو نەورۆزا پێشمەرگەیێ كوردستانێ پیرۆز بت.
دەستەیا بلندا بنگەهێ لالش یێ رەوشەنبیری و كۆمەلایەتی
20ی ئادارا2018
_________
تُتاح هذه الصورة أيضا في: کوردی