سەربەست تروانشی: نێزیكه دێ داخوازییێن مامۆستایان ھێن بجهئینان
WAAR-دهۆك:
ئەندامەکێ سەرکرداتییا پارتی راگەھاند؛ پشتی کاودانێن نھا ھاتینە پێش، پارتی ھەر زوو د گەل حکومەتا ھەرێمێ دا، بزاڤێن چارەکرنا کێشەیان کرن و گۆت: ل دهمهكێ نێزیک دێ داخوازیێن مامۆستایان ھێن بجهئینان.
سەربەست تروانشی، بەرپرسێ لقا ئێک و ئەندامێ سەرکرداتییا پارتی دیمۆکراتی کوردستان د داخۆیانییەکێ دا، بەحسا وێ یەکێ کر کو پارتی د دیرۆکا خوە دا کار ژ بۆ پاراستنا کەرامەت و مافێن رەوا یێن خەلکێ کوردستانێ ب ھەموو تەخێن وێ یێن جڤاکی ڤە، کرییە و گۆت: نوکە ژی سەرباری کاودانێن بەرتەنگ یێن حکومەتا ھەرێمێ، پارتی د گەل سەرۆکاتییا جڤاتا وەزیران دا بزاڤێن چارەکرنا کێشە و داخوازیێن مامۆستایان و گشت مووچەخۆرێن ھەرێمێ دکەت.
تروانشی گۆت ژی: داخوازیێن مامۆستایان ل دهمهكێ نێزیک و تا رادەیەکێ بەرچاڤ دێ ھێن بجهئینان و دوپات کر، دێ بزاڤێن پارتی یێن خوەشکرنا رەوشا ژیارا خەلکی بەردەوام بن.
تُتاح هذه الصورة أيضا في: کوردی