كوڕدستان و پێكڤەژیان
دلۆڤان ئەمجەد بارزانی
پێكڤەژیان و تەڤایی ، وەكهەڤی وئازادیا هەموو ئایین و ئۆل و مەزهەبان بێ جوداهی دبن سێبەڕا ئێك سەرۆك و ئێك ئالادا ل هەڕێما كوڕدستانێ دا دژین،هەڕێما كوڕدستانێ جیێ پێكڤەژیانێ یە كو گەلەك ئایین و نەتەوە تێدا دژین وەكی ( ئێزدی _ موسلمان_ كاكەیی_كلدان و ئاشوری و … گەلەكێن دی)،هەروەسا د بەرێ دا جوهی ژی ل كوڕدستانێ هەبوون هەموو پێكڤە وەكی خوشك وبڕایان د خۆشی و نەخۆشیان دا پشكدار دبوون بێ جوداهی كار كریە و بەڕەڤانی ل ئاخا پیڕۆزا كۆڕدستانێ دكر.
كوڕدستان سیمبۆلا ئاشتی و پێكڤەژیانێ بوو ل بەڕێ دا و هەتا نهۆ ژی هەر وەكی خۆیە ، لێ بەلێ پشتی هاتنا چەكداڕێن دەوڵەتا ئیسلامی یا بناڤێ داعش و ب ڕەنگەكێ زۆرێ دڕندانە هێڕش كڕە سەر چەند ناوچەیێن كوڕدستانێ داگیركرن و وێڕان كڕن،ئاڕمانجا وان ژناڤبڕن و بنبڕكرنا كوڕدێن ئێزدی ب تایبەتی و كوڕدستانێ ب گشتی بوو ، هەروەسا ئاڕمانجا وان ل داگیركڕنا (شنگاڵێ) و ناوچەیێن دەوروبەرێن شنگاڵێ ژناڤبڕن و كۆمكۆژكڕنا كوڕدێن ئێزدی بوو،بەس ژبەر هندێ كو كوڕدن و ئێزیدینە،ڕێژەیەكا زۆرا زەلام و زاڕۆیان ب ڕەنگەكێ زۆرێ هۆڤانە كوشتن و بن ئاخكڕن ، دهەمان دەم ژی دا ب هەزاران كچ و ژنێن كوڕدێن ئێزدی دگەل خۆ برن و ل بازاران كڕین و فڕۆتن پێ دهاتە كڕن ، هەروەسا ل ئەمیڕێن داعشێ دهاتنە مارەكرن و ب زۆرێ ئایینێ ئیسلامی لسەر دهاتە سەپاندن،دڤێت وێژی ژبیر نەكەین كو پێشمەڕگەیێن قاڕەمانێن كوڕدستانێ ب سەرپەرشتیا سەرۆكێ هەڕێما كۆوِدستانێ(مەسعوود بارزانی)رۆلەكێ بەڕچاڤ گێڕا ل ئازادكرن و رزگاركڕنا كوڕدێن ئێزدی ،كو ب هزاران كەس ئاواڕەیی چیایێ شنگاڵێ ببوون چەند ڕۆژەكا مانە دناڤ چیایی دا بێ نان و ئاڤ گەلەك ژبرسان و تێنان دا مرن ، د وی دەمی دا هێزێن پێشمەڕگەیێن قاڕەمان نەڕاوەستان هەتا گەهشتینێ و رزگار كڕین.
ب ڕاستی كوڕدێن ئێزدی گەلەك نەهامەتی و دەردەسەری دیتن ، ژبەر هندێ یافەڕە بێژم ژبەر ڤان تیڕۆرستێن داعش و وێڕانكڕنا دەڕبەدەركرنا كوڕدێن مە یێن ڕەسەن لسەر زێدێ باب و باپیڕێن وان هەموو ئاوارەبوونە دەڤەرێن دی یێن كوڕدستانێ، هەروەسا ڕێژەیەكا زۆرا خەلكێ قەستا وەلاتێن بیانی كر ب تایبەتی ئەلمانیا كو ب قاچاغی خۆ گەهاندنە دەرڤە هەموو ڕێیێن بتڕس و گڕان دگرتنە بەر بەس دا ل ڤێ زلما چەكداڕێن دەوڵەتا ئیسلامی رزگار ببن و بگەهنە ئەورۆپا ، ب سەدان زارۆك و گەنج و پیڕ د دەریایا ئیجەدا نقوم بوون و هەتا نهۆ ژی بَ سەروشوونن،ڕێژەیەكا زۆرا كوڕدێن ئێزدی ژی نهر ل كوڕدستانێ مانە و مل ب ملێ پێشمەڕگا بەڕەڤانیێ ل ئاخا پیڕۆزا كوڕدستانێ دكن بێ جوداهی،چنكو كوڕدستان وەلاتێ هەموویانە،هەروەسا د دام و دەزگەهێن حكوومەتێ ژی دا هەموو نەتەوە و ئایین پشكداڕن و پێكڤە كاردكن بۆ پاڕاستن و پێشكەفتنا كوڕدستانێ،د پەرلەمانی دا ل ئەنجوومەنی دا ژ هەموو دام و دەزگەهێن حكوومی و حزبی دا هەموو نەتەوە و ئاینێن ل كوڕدستانێ دا دژین بێ جوداهی پشكدارن و هەر ئێك كارێ خۆ بڕێڤەدبەت.
كوڕدستان هەر ژ بەرێ دا جیێ پێكڤەژیانێ بوویە هەموو پێكڤە د بەختەوەر و خۆشبەخت بوون د هەموو هەلكەفت و بیرەوەریا دگەل ئێك بوون هەموو ئایین و نەتەوە و ئۆل تێكەلی ئێك دبن،ژیان ب هەموو ڕەنگان و پێكهاتەیان یا خۆشە ، لەوما دێ بێژم كوڕدستان و هەموو ڕەنگێن ژیانێ.
تُتاح هذه الصورة أيضا في: کوردی