ژمارا بەربژێرێن ئێزدی بۆ پەرلەمانێ عێراقێ هاتە ئاشكەراكرن
تۆرا لالش یا راگەهاندنێ
ڤەكۆلەرەكی ئێزدی ژمارا بەربژێرێن ئێزدی بۆ هەلبژارتنێن داهاتی یێن پەرلەمانێ عێراقێ ئاشكەراكرن،كو ژ چەند پارتێن سیاسی یێن ئێزدیان و كوردستانی پشكدارن.
ڤەكۆلەرێ ئێزدی(داود موراد خەتاری)بۆ رۆژناما دەنگێ لالش گۆت:بۆ هەلبژارتنێن پەرلەمانێ عێراقێ یێن داهاتی كو ل رۆژا(12/5/2018)دێ ئێنە ئەنجام دان،ئێزدیان نێزیكی(50)بەربژێرا ژ چەند پارتێن سیاسی یێن ئێزدیان و كوردستانێ هەنە ژ چەندین دەڤەران پێشكێشكرینە و هەموو دەرچۆیێن كولیژانە و و شارەزایەكا باش یا هەی،هەروەسا ژبۆ ب دەستڤەئینانا كورسیا كۆتایێ سێ پارتێن سیاسی یێن ئێزدی هەڤركیێ دكن.
خەتاری راگەهاند ژی ئیرۆ هێرشەكا مەزن یا دئێتە سەر ڤان بەرێژێران ژلایی هندەك كەسان ڤە و نابت ئیرۆ دڤی وەختێ تەنگ دا هێرشی وان بێتە كرن،ل هەر جیەكی هەبت دڤێت ئەم پێشوازیەكا مەزن ل ڤان بەربژێرێن خۆ بكەین،ژبەركو یا گرنك ئەوە دەمێ كەسی هەلنەبژێری دێ بێ دەنگ مینی و كەس نابت دەنگ و گازیا خۆ بگەهینێ ل پەرلەمانی بۆ ئێزدیان،لەوا دڤێت بزانین ئەڤ كەسنە دێ خزمەتا مللەتێ مە كن و دێ كارەكی بۆ مە كن.
تُتاح هذه الصورة أيضا في: کوردی