قاسم شەشۆ:پەكەكێ خۆ ژ شنگالێ ڤەنەكێشایە
تۆرا لالش یا راگەهاندنێ
فەرماندەیێ پێشمەرگەی ل شنگالێ دیاركر،چوو راستی بۆ خۆ ڤەكێشانا هێزێن پەكەكێ ل شنگالێ نینە و ئەو هێشتا ماینە.
فەرماندەیێ گشتی یێ هێزێن پێشمەرگەی ل شنگالێ(قاسم شەشۆ)بۆ رۆژناما دەنگێ لالش ئاشكەراكر،پشتی توركیا راگەهاندی ئەو دێ هێرشی شنگال كن هێزێن پەكەكێ ڤەكێشانا خۆ ژ دەڤەرێ راگەهاند،بەلێ دراستی دا چ راستی بۆ ڤێ چەندێ نینن و پەكەكە نە چۆیە بتنێ پرۆپاكندەیە و سوپایێ عێراقێ بەرەف شنگال هات داكو جیێ پەكەكێ بگرت و سنوورێ عێراقێ بگرت و بپارێزت،هەروەسا سوپایێ عێراقێ پشتی هاتیە شنگال ب مەرەما گرتنا سنووان ب بەهانەیا ڤێ چەندێ دخوازت خۆ نێزیكی گوند و كۆمەلگەهێن شنگال بكن و خواستن بەرەف مەزارگەهێ شەرفەدین بچن،بەلێ پشتی مە سەركردایەتیا خۆ ئاگەهداركری هشیارەیەك دا سوپایێ عێراقێ و مەزارگەهێ شەرفەدین ب هێلا سۆر دانا و گۆت:((رێ نادەین چ هێز بەرەف مەزارگەهی بلڤت و ل ئەنجام دا و دەملدەست سوپایێ عێراقێ ژ وێ دەڤەرێ ڤەكێشیا)).
قاسم شەشۆ رۆنكر ژی نهۆ مەزارگەهێ شەرفەدین ل ژیر ئارامیا هێزێن پێشمەرگەی دایە.
تُتاح هذه الصورة أيضا في: کوردی