بهايێ كارتا دهنگدانێ ل عيراقێ گههشته 200 دۆلاران
ئهڤرۆنيوز:
پهرلهمانتارهكێ عيراقى راگههاند، بهايێ كارتا دهنگدانێ ل عيراقێ يێ گههشتيه دناڤبهرا 100 ههتا 200 دۆلاران دا.
عهبدولكهريم ئهلنهقيب، ئهندامێ جڤاتا نوونهرێن عيراقێ ژ فراكسيۆنا جڤاتا بلند يا ئيسلامى وئهندامێ ليستا (فهتح) ب سهرۆكاتيا هادى عامرى ئاشكراكر” كرينا دهنگان كارهكێ دوورى رهوشهتى يه ومه گوهلێبوويه كو بهايێ ئێك كارتا دهنگدانێ دناڤبهرا 100 ههتا 200 دۆلارايه”.
وى پهرلهمانتارى زێدهتر بۆ رۆژناما (القدس العربي) يا لهندهنى گۆت” هندهك بهربژێرێن جڤاتا نوونهران دراڤهكێ مهزن يێ ههى وپتريا ژێدهرێ وى دراڤى يێ شهرعى نينه وژ دزينا مالێ گشتى هاتيه ونوكه ئهو دراڤێ مهزن بۆ كرينا دهنگان دهێته بكارئينان”.
زێدهتر گۆت” پێدڤيه كۆمسيۆنا ههلبژارتنان پێرابوونان دژى وان كهسان وهرگريت ونه تنێ سزايێ دارايى ل سهر وان ب سهپينيت، چونكى هندهك ژ وان بهربژێران پارێ ههى ودێ سزايا دارايى دهن، يا پێدڤى ئهوه بهربژاركرنا وان بهێته ڤهكێشان”.
ل دووڤ راپۆرتهكا وێ رۆژناما لهندهنى، بهايێ ئيك كارتا دهنگدانێ يێ گههشتيه 200 دۆلاران وهندهك بهربژێر ب مليۆنان دۆلاران مهزاختينه بۆ كرينا كارتێن دهنگدانێ، زێدهبارى مليۆنان دۆلاران بۆ ههوا ههلبژارتنان”.
ههلبژارتنێن عيراقێ ل 12/5/2018 دێ هێنه ئهنجامدان وزێدهتر ژ حهفت هزار كهسان خوه بهربژاركريه بۆ بدهستڤهئينانا 229 كورسيێن جڤاتا نوونهران.
تُتاح هذه الصورة أيضا في: کوردی