تورکیا 150 مالباتێن غووتە ل عەفرینێ ئاکنجیکر
WAAR-دهۆك:
روانگەھا سووری یا مافێن مرۆڤی راگەھاند؛ دەستھەلاتدارێن تورکیا بەرھەڤیان دکەن پتر ژ 150 مالباتێن ژ غووتا رۆژھەلات دەرکەفتین ل عەفرینێ ئاکنجی بکەت، خەلکێ غووتە ژی گوھەرینا دیمۆگرافیا وێ دەڤەرێ رەت دکەن.
روانگەھا سووری یا مافێن مرۆڤی ئاشکرا کر، د وی دەمی دا کو رێ ناھێتە دان خەلکێ عەفرینێ ڤەگەرنە سەر مالێن خوە، حکومەتا تورکیا ل بەرە پتر ژ 150 مالباتێن ژ غووتە ئاوارە بووین، ل وێ دەڤەرێ ئاکنجی بکەت.
گۆت ژی: ھندەک ژ وان مالباتان د وان خانییان دا ھاتینە ئاکنجیکرن، یێن خودانێن وان ژ بەر ھێرشا تورکیا ئاوارە بووین، ئەو مالبات ژی یێن چەکدارێن فەیلەق رەحمانن یێن ژ غووتە ھاتینە دەرخستن.
روانگەھێ ئاشکرا ژی کر، پتریا ئاوارەییێن غووتە رەت دکەن ئەو ل عەفرینێ بھێنە ئاکنجیکرن و ناخوازن دیمۆگرافیا دەڤەرێ بھێت گوھەرین.
تُتاح هذه الصورة أيضا في: کوردی