حکومەتا ھەرێمێ: پێدڤییە بەغدا بەرپرسیارییا خوە بۆ قەرەبووکرنا کەسوکارێن ئەنفالکرییان بجھبینیت

حکومەتا ھەرێمێ: پێدڤییە بەغدا بەرپرسیارییا خوە بۆ قەرەبووکرنا کەسوکارێن ئەنفالکرییان بجھبینیت
WAAR-دهۆك:

حکومەتا ھەرێما کوردستانێ راگەھاند؛ ئەنفال بۆ ژناڤبرنا ناسنامەیا نەتەوەیا کورد بوو و دوپاتکر کو پێدڤییە بەغدا بەرپرسیارەتییا خوە یا قانوونی و ئەخلاقی بۆ قەرەبووکرنا کەسوکارێن ئەنفالکرییان بجھبینیت.
حکومەتا ھەرێما کوردستانێ پەیامەک د بیرئانینا سیھـ سالیا پرۆسەیا ئەنفالان کو ل سەر دەستێ رژێما بەعسا ژناڤچووی ل دژی گەلێ کورد کری بەلاڤ کر و تێدا ھاتییە: ئەنفال پرۆسەیەک بوو بۆ ژناڤبرنا ھەبوون و ناسنامەیا نەتەوەییا کوردی بوو کو مرۆڤ، ئاخ و ژینگەھا کوردستانێ پێکڤە کرن ئارمانج.
حکومەتا ھەرێما کوردستانێ د پەیاما خوە دا گۆت: بزاڤێن وان بۆ ڤەگەراندنا روفاتێن قۆربانیێن ئەنفالان و ئاڤەدانکرنا گوند و ژینگەھا کوردستانێ و خوشکرنا ژیانا کەسوکارێن ئەنفالکریان بەردەوامن، دوپاتکر بۆ رێگرتن ل دوبارە نەبوونا وان کارەساتان، ئێکرێزییا ئالی و پێکھاتەیێن کوردستانییانە.
حکومەتا ھەرێمێ دیار کر ژی: پێدڤییە حکومەتا ئیراقێ قەرەبووکرنا کەسوکارێن ئەنفالکرییان و گەل و ئاخا کوردستانێ ژ ئالیێ ماددی و مەعنەوی ڤە ب ئەرکێ خوە یێ قانوونی و ئەخلاقی بزانیت و پێنگاڤێن ب کریار پاڤێژیت.

تُتاح هذه الصورة أيضا في: کوردی