ڤیان دەخیل: ئەندامێن داعشێ بەربژارێن جڤاتا نوونەرانن
WAAR-دهۆك:
نوونەرا ئێزدییان ل جڤاتا نوونەرێن ئیراقێ دا پشکەکا ئالیێن سونە ب هەبوونا دەستی د جینۆسایدا ئێزدییان دا سووچدار کر و راگەهاند؛ ژمارەکا بەربژاران داعشن.
ڤیان دەخیل، نوونەرا ئێزدییان د جڤاتا نوونەرێن ئیراقێ دا بۆ ئاژانسا فەرمی یا ئەلمانیا ئاشکرا کر؛ پڕانییا ئێزدییان تا نها ژی ژ دوبارەبوونا سیناریۆیێ سالا دوهزار و چاردێ دترسن و ترسا وان جهێ خوە دایە، ژبەر کو، وان بەلگە هەنە کو ژمارەکا بەربژارێن جڤاتا نوونەرێن ئیراقێ یێن ئالیێن سونی و لیستێن تێکەل، ئەو کەسن یێن هاریکارییا داعشێ کرین و چەکدارێن وێ رێکخستنا تیرۆری، د مالێن خوە دا حەواندین.
نوونەرا ئێزدییان هەروەسا ئاماژە کرییە؛ کەسێن دەست د جینۆسایدا ئێزدییان دا هەین، نها ژی سۆزا پاراستنا وان ددەن و چو راستی ژ بۆ سۆزێن وان نینە.
تُتاح هذه الصورة أيضا في: کوردی