برنجێ خراپ ل سەر وەلاتیان دھێتە دابەشکرن
ئەڤرۆ نیوز:
چەند رۆژێن بوری ل ئێک ژ بنگەھێن بهلاڤكرنا ئاهێن خوارنێ، برنجەکێ خراپ ل سەر وەلاتیان ھاتیە بهلاڤكرن، وەکو وەلاتی ددەنه دیارکرن ئەو برنج ب خوە بۆ خوارنا گیانەوەران ژی ناھێتە بکارئینان.
مشیر کوڕکی وەلاتیەکێ ناحیا سەرسەنکى یا سەر ب قەزا ئامێدیێ ڤهيه و ئەوی ب خوە برنجێ خراپ وەرگرتیە بۆ ئەڤرۆ نیوز گۆت: “دو سێ رۆژێن بوری پشتی کو ئەز چوویمە بنگەھێ وەرگرتنا ئاهێن خوارنێ ل سەرسنکێ دا کو برنجی وەربگرم، ھوسا دەرگەھی تەلیسێ برنجی ڤە دکەین مە دیت کو برنج ب ئێکجاری يێ خرابە و ب کێرى خوارنێ ناھێت، مە تەلیسەکێ دى ژی ڤەکر ب ھەمان رهنگ بوو، ل دووماھیێ مە تەلیسەکێ دى ڤەکر ژ نوو برنجەکێ دروست دەرکەفت و من بەھرا خوە ژ وی برنجی بر و زڤریم مال”.
زێدەتر گۆت: “ئەو برنج وەسان یێ خراپ بوو، خوە ب کێرى دانا گیانەوەران ژی ناھێت، ئەڤ شاشیە یا بنگەھێن بهلاڤكرنا ئاهێن خوارنێ ل دەڤەرێ نینە، بەلکو ئێكسهر كۆمپانا ئاهێن خوارنێ ژێ بهرپرسه”.
ب گورەی ئاخفتنێن ئەوی وەلاتی ئەڤە جارا دویێ یە ل سنۆرێ دەڤەرا ئامێدیێ د ئەڤ سالە دا برنجێ خراپ ل سەر وەلاتیان دھێتە بهلاڤكرن و گۆت: “بەری چەندەکێ ل ئێک ژ بنگەھێن بهلاڤكرنا ئاهێن خوارنێ ل گوندێ بەرچێ ب ھەمان رهنگ برنجێ ھوسا یێ خراپ ل سەر وەلاتیان ھاتیە بهلاڤكرن”.
تُتاح هذه الصورة أيضا في: کوردی